VOV4.K’ho-Uă nam do, pơgru mờ gi\t nđờ rhiang nă kơnòm bơsram Hìu bơsram kấp dùl Nguyễn Bá Ngọc tàm xã Ea Knuêch, kơnhoàl Krông Pach, càr Dak Lak sùm kơlôi rơcang ngan ngòt tu\ bơto mờ bơsram tàm hìu bơsram neh ờ gam niam tai uă ngan. Gơnoar atbồ mờ gah bơto bơtê pal geh gùng dà broă lơh bơsong di tu\ lài mờ tu\ bơta rềs àr digơlan gơlik tus.

Hìu bơsram kấp dùl Nguyễn Bá Ngọc tàm xã Ea Knuêch, kơnhoàl Krông Pach, càr Dak Lak dê tu\ do geh 320 nă kơnòm bơsram, tàm hơ\ mìng là kơnòm bơsram kòn cau lơm. Geh lơh pơgăp mờ do 33 nam, hìu bơsram do lài do là hìu duh broă Ủy ban Nhân dân xã Ea Knuêch dê. Tu\ do, hìu bơsram geh 6 cơldu\, jơh ală ndrờm ờ gam niam tai uă ngan. Tàm uă cơldu\ bơsram vôi vữa ơ gam gơklềp kơl jăp tai, gơ ploh jơh mpờl go\ jơh bal găc. Bơnàng hìu cơldu\ bơsram gơploh jơh, pơgru pal blơi sơmang nàng tơmồl. Jrong hìu uă anih gơtìp pă, gơmù ù gơlam tus dàng kơlik hìu.  

Vữa gơploh jơh tềng đah bu\t bơh hìu bơsram dê

Bơto tàm Hìu bơsram kấp dùl Nguyễn Bá Ngọc rlau 30 nam do, ùr pơgru Hoàng Thị Hằng, atbồ ơdu\ 4A1 pà gi\t, pah ngai lòt bơto tàm ơdu\, ală pơgru mờ kơnòm bơsram ndrờm kơlôi rơcang ngan, ngòt ngan tài bơh hìu bơsram cơldu\ bơsram neh ờ gam niam tai ngan. Pah dơ\ geh mìu dờng, càl pràn là pơgru pal ai ală oh in ơm rlô halà ntrờ` tus ală cơldu\ bơsram ờdo ờdă rlau nàng ơm pleh.

Pah ngai bơto tàm anih bơto, broă bol a` kơlôi rơcang ngan rlau jơh là ờdo ờdă ai kơnòm bơsram in. Tài bơh pah nam geh gi\t nđờ nă là kơnòm bơsram. Pah dơ\ bol a` tus bơto tàm ơdu\, kuơmàng là tàm ală ngai geh mìu dờng, càl pràn den kơlôi rơcang ngan. Geh dơ\ la phông hìu gơdùh, bol a` pal sơrbì te\ tiết bơsram, lòt jà mè bèp kơnòm bơsram tus khòm tơrgùm [à cơldu\ bơsram den tàng gơrềng uă ngan tus tu\ jiơ bơsram, kung bè ờdo ờdă bơh ală oh dê.

La phong hìu bơh cơldu\ bơsram dê bơh jo\ neh ờ geh căng kìng

Jat ùr pơgru Thân Thị Nhung, Kuang atbồ Hìu bơsram Kấp dùl Nguyễn Bá Ngọc yal, ờ mìng hìu bơsram cơldu\ bơsram lơm gơtìp ờ niam mờ geh bal cơldu\ bơsram gam ờ tơl uă ngan. Tài bơh ờ geh tơl cơldu\ bơsram mờ ală cơldu\ bơsram lơh bơh rài yau ờ tơl ơnàng den tàng ală môn bơsram bè tin học, dà Mỹ, bơta chài, jơnau kah yau tiah do dê hìu bơsram pal lời te\.

Bơdìh mờ bơta phan bơna ờ gam niam tai, hìu bơsram cơldu\ bơsram ờ geh niam pơhìn lơh roh bơta lơngăp lơngai ờdo ờdă ai kơnòm bơsram in uă ngan. Tu\ do, bơta kal ke dơ\ 2 là khà cơldu\ bơsram ờ tơl nàng ai ală oh in bơsram bàr [ùi tàm dùl ngai jat jơnau sồr bơh Bộ Giáo dục mờ Đào tạo dê. 10 ơdu\ mơya mìng geh 6 cơldu\ bơsram lơm, kal ke ngan tàm broă tam pà tơngai bơsram, tơnguh uă cồng nha bơto bơtê. Ngan den tàng bè hơ\, uă môn bol a` pal lời te\ ờ bơto tai, lơh hoàc hươr uă ngan ai kơnòm bơsram bơh hìu bơsram dê in.

Tềng đap bơta geh ngan hìu bơsram cơldu\ bơsram ờ gam niam tai uă ngan, Mpồl Kuang atbồ Hìu bơsram kấp dùl Nguyễn Bá Ngọc mờ gơnoar atbồ xã Ea Knuêch neh lơh sră yal mờ dan mờ UBND kơnhoàl Krông Pach tus sền swì, dong kờl bal lơh hìu bơsram pa. Ồng Y Djoang Niê, Kuang atbồ UBND xã Ea Knuêch pà gi\t, tơnơ\ tu\ geh sră yal bơh hìu bơsram mờ xã dê, kơnhoàl Krông Pach neh ai kuang bàng Phòng lơh sa phan bơna mờ phòng priă jền broă rơndăp lơh, phòng Giáo dục mờ Đào tạo tus sền mờ geh jơnau đơs lồi du\t là ală cơldu\ bơsram ờ gam gơtùi ngui tai.

Hìu bơsram Nguyễn Bá Ngọc tu\ do ờ gam niam tai uă ngan, nàng geh anih ai ală kơnòm bơsram tàm tiah do in bơsram mờ ờdo ờdă màng kis. Dan mờ UBND kơnhoàl, UBND càr ai priă jền lơh hìu bơsram Nguyễn Bá Ngọc dong ai ală oh in lòt bơsram mờ pơgru in ờdo ờdă bè màng kis mờ rơhời bơ\t bơtàu hìu bơsram geh tơl khà dà lơgar.

Bơnàng hìu cơldu\ bơsram gơtìp gơploh jơh mpờl jơh bal găc

Pah ngai lòt bơsram, gi\t nđờ rhiang nă kơnòm bơsram bal mờ pơgru hìu bơsram kấp dùl Nguyễn Bá Ngọc tàm xã Ea Knuêch, càr Dak Lak dê kung gam kơlôi rơcang sùm ngòt tài bơh hìu bơsram ờ gam niam tai uă ngan. Gơnoar atbồ mờ gah bơto bơtê tiah do pal geh gùng dà broă lơh di tu\ lơh niam wơl halà lơh pa wơl hìu bơsram do nàng broă bơto mờ bơsram tàm do geh lơngăp lơngai ờdo ờdă, iang nùs, pleh ală rềs àr gơ aniai pơlai ngan digơlan gơlik tus.

Cau mblàng Lơ Mu K’Yến