VOV4.K’ho- Jơnau yal bơh Mpồl đơng lam rcang sơndră kòp Covid-19 càr Dak Lak, càr pơn jat tai sền gŏ cau kòp dơ̆ 9 bơtờp mờ virus Sars CoV-2, là pơ ùr bơh cau kòp Covid-19 dơ̆ 8 dê. Cau do là bi T.T.M.L, deh nam 1996, ơm tàm thôn Ea Duất, xã Ea Wer, kơnhoàl Buôn Đôn.

Bi L là công nhân lơh broă tàm công ty lơh kơldung Quảng Huy (sơnah ƀòn Bình Trị Đông A, quận Bình Tân, ƀòn dờng Hồ Chí Minh. Bi L là cau F1 bơh bi Đ dê geh gah lơh sơnơm càr Dak Lak sền gŏ bơtờp mờ virus Sars CoV-2 tàm mang ngai 14/7. Hìu sơnơm kơnhoàl Buôn Đôn neh tus ƀồm sơnơm lơh kloh khuẩn jơh ală tiah mờ ùr bơklau bi L dê lòt rê.

Cau mblàng K’Hạnh