VOV4.K’ho- Ngai (18/3), Uỷ ban Mặt trận dà lơgar Việt Nam càr Dak Lak bơyai lơh pơrjum cribơyai dơ̆ 2 nàng cribơyai lơh  sră cih mat bơh sơn rờp ală cau tơlik mat tĕ khà Kuang bàng Quốc hội khoá 15 mờ ală cau tơlik mat tĕ khà Kuang bàng Hội đồng Nhân dân càr khoá 10 (tơngai lơh broă bơh nam 2021-2026).

                                                                         Dak Lak pơrjum cribơyai dơ̆ 2

Tàm dơ̆ pơrjum, mờ nùs nhơm ring bal uă ngan rlau jơh, ală Kuang bàng neh pờ tê ring bal lơh sră cih mat bơh sơn rờp 12 nă cau bơh càr dê tơlik mat tĕ khà Kuang bàng Quốc hội khoá 15 mờ 138 nă cau tơlik mat tĕ khà Kuang bàng Hội đồng Nhân dân càr Dak Lak tơngai lơh broă pa. Bơh cồng nha bơh pơrjum cribơyai dơ̆ 2 do pơyoa Mặt trận dà lơgar Việt Nam càr geh pơyoa ai jơnau đơs sền sơ wì mờ bơta pin dờn bơh cau tĕ khà tàm tiah ơm kis dê (bơh ngai 21/03 tus ngai 13/04) gơ wèt mờ cau geh ală anih lơh broă, mpồl lơh broă yal tơngĭt tơlik mat tĕ khà Kuang bàng Quốc hội khoá 15 mờ Kuang bàng Hội đồng Nhân dân càr, tơngai lơh broă bơh nam 2021-2026 jat jơnau sồr. Tơngai lơh broă bơh nam 2021-2026, Dak Lak geh tam pà 9 nă Kuang bàng Quốc hội. Tàm hơ̆, 5 nă Kuang bàng ơm kis mờ lơh broă tàm càr, 4 nă kuang bàng bơh Dà lơgar yal tơngĭt. Khà Kuang bàng Hội đồng Nhân dân càr là 75 nă.

Cau mblàng K’ Hạnh