VOV4.K’ho.- Ngai òr 25/5, Gơnoar atbồ 2 kơnhoàl Ea Kar mờ Krông Bông, càr Dak Lak bal mờ cau ala mat bơh Chi cục Kiểm lâm càr dê, neh bơyai lơh pơrjum mhar tàm dùl anih sền gàr brê tơn, cribơyai broă kơryan mus brê gam gơlik geh uă ngan tàm tiah rềp nhàr bal.

                             Dak Lak pơrjum mhar cribơyai gùng dà broă lơh kơryan koh kơl brê

                                                                   Koh kơl brê tàm Ea kar

Kờp bơh sơn rờp tàm bơnah brê bơh Kông ty Lâm nghiệp Ea Kar dê, bơh bồ kàl prang bơh nam 2019-2020 tus tu\ do, neh geh rlau 30 lồ brê; tàm Kông ty Lâm nghiệp Krông Bông geh rlau 8 lồ, gơtìp òt gơ pừ mờ chu jơh. Bơta do kung gam gơlik geh kal ke ngan, nàng kờ` sơ gràm ù brê lơh mìr.

Ala mat ală hìu bơnhă làng bol tàm thôn Ea Rớt, xã Cư Pui tus bal pơrjum dờp là geh broă koh kơl brê mờ pà g^t geh uă cau tàm tiah ndai kung tus bal sơl; geh ală cau tàm càr pơgồp bal mờ bàr pe nă cau bơh [òn dờng Hồ Chí Minh tus blơi uă ngan ù brê nàng lơh suơn dờng. Ala mat gơnoar atbồ 2 kơnhoàl sồr làng bol ơm tơn broă lơh tìs bè koh kơl brê, mơ kung pà g^t geh ală gùng dà broă lơh nàng tam wơl brê tàm ală bă brê neh gơ tìp koh kơl.

Cau mblàng K’ Hạnh