VOV4.K’ho - Lơh jăt bơhiàn “Hùc dà kah tô dà”, uă nam do, càr Dak Lak sùm sền kuơ broă drơng gàr rài kis phan bơna bal mờ nùs nhơm gơwèt mờ cau geh sră dong kờl bơh dà lơgar, cau geh màng mờ dà lơgar. Bal mờ broă lơh jăt niam broă dong kờl, broă lơh gơwèt mờ cau geh màng mờ dà lơgar, broă hòi jà tus bal bơh gùt mpồl bơtiàn mờ uă broă lơh geh kuơ, mùl màl neh dong kờl cau geh sră dong kờl bơh dà lơgar bal mờ cau pròc mhàm cau ling chơ\t màng ram nùs nhơm.

Bol a` tus còp hìu nhă mè Việt Nam khin cha jăk chài Huỳnh Thị Bộ, kis tàm [òn 7, xã Hoà Sơn, kơnhoàl Krông Bông tàm ală ngai nhai 7 do. Tàm sơnam 92, măt neh ờ loh, tồr neh ờ kơno tai, mơya mè kung gam ngăc ngar mờ muh măt tu\ lơi kung chờ.

Bi Trần Công Trường là kòn klao gam kis bal mờ mè pà g^t, ngai kơno cau yal bơklao bal mờ kòn klao chơ\t phi să tàm rài tam lơh mờ Mỹ sò tơm, nùs nhơm mè gơbàn ờ niam ngan, jàng lah ờ jai kis, mơya kơnờm mờ [òn lơgar dong kờl, tài 4 nă kòn gam tai den tàng mè neh lơh ngan pơn jăt tai kis mờ lơh broă sa.

Kơnờm mờ Đảng mờ Dà lơgar sền gròi tơl mờ ală bơta, den tàng, rài kis kung neh ờ kal ke tai. Nam 2015, mè geh jào pà khà cau mè Việt Nam khin cha jăk chài. Nam 2017, mè geh dong kờl lơh hìu nùs nhơm mờ khà 115 tơlăk priă. Broă sền gròi, drơng gàr bơh gơnoar atbồ bal mờ làng bol [òn lơgar là bơta pràn bal mờ bơta chờ kờ` mè kis chờ pah ngai:

-Đơs ngan là tàm [òn lơgar den ngai 5, ngai satềp ha là ală ngai chờ ngai kuơ màng kung geh kuang bàng tus còp să, pà phan. Tu\ gơbàn kòp tê jê să den kung tus còp mè. Tơnơ\ mờ hơ\ tai, kung geh đah Sở Lao động càr Dak Lak lơh mè in hìu niam. A` kung ala măt hìu nhă ưn ngài ală gah, mpồl lơh broă tàm càr Dak Lak.

Ală ngai do, hìu nhă mè Việt Nam khin cha jăk chài H’ Băm Buôn Krông, kòn cau Rơđê, kis tàm [òn Ea Ktur, xã Ea Ktur, kơnhoàl Cư\ Kuin là mè cau ling chơ\t màng Y Nam Buôn Krông kung geh gal cau tus tài geh uă mpồl tus còp să, lam sồr mờ pà phan. Ai tê jùt kơl^k hìu, mè yal, nam 2013, mè geh dà lơgar jào pà hìu nùs nhơm, tơnơ\ mờ 5 nam ngui, hìu gơbàn ờ kơl jăp tai, nhai 5 lài do, gơnoar atbồ [òn lơgar neh tă 20 tơlăk priă lơh niam wơl:

-A` chờ hờp ngan tài dà lơgar neh lơh a` in hìu pa. A` neh kra bloh, rài kis tu\ do a` dê kung neh niam ngan, geh Đảng, Dà lơgar sền gròi a` chờ ngan.

Bal mờ broă lơh jào pà hìu, còp să mờ pà phan ală hìu nhă geh sră dong kờl bơh dà lơgar, cau geh màng mờ dà lơgar, càr Dak Lak sùm sền gròi tus mờ broă lơh niam wơl, lơh pa ală [làng tơ\p [ồc cau ling chơ\t màng, tơr`ang kah kơlôi.

Tu\ do, gùt càr Dak Lak gam atbồ 12 [làng tơ\p [ồc cau ling chơ\t màng kơnhoàl, 1 [làng tơ\p [ồc cau ling chơ\t màng càr, 46 hìu tơra` geh cih măt cau ling chơ\t màng xã mờ 7 tơr`ang kah kơlôi cau ling chơ\t màng. Broă lơh kloh niam, pơs wàs tàm ală tiah [làng tơ\p [ồc cau ling chơ\t màng sùm geh jào ai mpồl Đoàn ơruh pơnu in lơh, bơh tu\ hơ\ geh pơgồp bal tàm broă bơto bơtê bơhiàn jăk chài ai rơnàng kơnòm să in.

Tus bal tàm broă lơh niam wơl tơr`ang kah kơlôi cau ling chơ\t màng kơnhoàl Cư\ Kuin, oh Nguyễn Bá Thực kis tàm [òn 11, xã Ea Ninh đơs:

-Bol oh pơnyờ să ngan mờ ưn ngài uă ngan ală cau ling khin cha jăk chài neh chơ\t phi să tài bơta lơngăp lơngai khăt gơboh dà lơgar kung bè càr dê, den tàng broă lơh niam wơl do geh ơruh pơnu tàm xã lơh jơh nùs kờ` kah ưn ngài ală cau ling neh chơ\t phi să in.

Jăt Sở Lao động Thương binh mờ xã hội càr Dak Lak yal, càr do tu\ do geh mờr 62 rơbô pang sră nggal, cau geh màng mờ dà lơgar geh dờp broă dong kờl bơh dà lơgar. Broă atbồ mờ lơh jăt broă dong kờl gơwèt mờ cau geh màng mờ dà lơgar sùm geh ală gah, mpồl lơh broă lơh tơl, di tu\, di pal mờ ală broă phi să, roh rui mờ cau ling chơ\t màng neh lơh.

Tu\ do, ală hìu nhă cau geh sră dong kờl bơh dà lơgar ndrờm geh rài kis ndrờm ha là uă rơlao mờ rài kis bè ờs làng bol kis bal tàm 1 [òn bal. Mìng bơh nam lài tus tu\ do, càr Dak Lak neh lam sồr geh rơlao 13 tơmàn priă tă pơgồp tàm kes priă kis g^t jơnau g^t adăt. Tă mờr 8 tơmàn priă kờ` lơh pa mờ lơh niam wơl rơlao 200 nơm hìu nùs nhơm ai cau mè Việt Nam khin cha jăk chài, hìu nhă cau geh màng mờ dà lơgar in.

Di ngai 27 nhai 7 nam do, càr Dak Lak geh ai rơlao 5 tơmàn 200 tơlăk priă kờ` còp să, pà phan ai 15 rơbô 500 nă cau geh sră dong kờl bơh dà lơgar, cau geh màng mờ dà lơgar in. Mò Tô Thị Tâm, Phó kuang atbồ Sở Lao động Thương binh mờ xã hội càr Dak Lak đơs tòm: broă lơh kis g^t jơnau g^t adăt ờ mìng là kơnòl bơh gah lơh broă do, mờ neh gơs là broă lơh uă, hòi jà broă tus bal bơh gùt mpồl bơtiàn:

-Bol a` sùm bơsong niam broă dong kờl ai ală cau geh màng mờ dà lơgar in, ờ lời sră nggal gơlời gời. Pơlam Tỉnh uỷ in lam sồr tă ală khà priă dong kờl ai cau geh màng mờ dà lơgar in.

Kuơ màng là chồl mhar broă lơh ală tơr`ang duh khoai, lơh niam wơl ală [làng tơ\p [ồc cau ling chơ\t màng mờ tơ\p tơrgùm ală [ồc cau ling chơ\t màng neh chơ\t phi să tàm tiah tam lơh. Tu\ do, Sở Lao động Thương binh mờ xã hội càr Dak Lak gam lơh anih ròng siam cau geh màng mờ dà lơgar, bol a` chồl mhar broă lơh kờ` geh ngui tàm nam 2019 tus.

Mờ ală broă lơh mùl màl, gah, mpồl lơh broă geh gơnoar càr Dak Lak ờ mìng lơh niam broă dong kờl, di tu\, mờ gam hòi jà jơh gùt mpồl bơtiàn tơnguh nùs nhơm “Hùc dà kah tô dà” tus bal drơng rài kis cau geh màng mờ dà lơgar, mờ bơto bơtê bơhiàn kăc màng ai rơnàng kơnòm să in.

Cau mblàng Ndong Brawl