VOV4.K’ho - Tàm càr Dak Lak tàm broă lơh chờ gờm dŏ tĕ khà kuang bàng Quốc hội khoă 15 mờ HĐND ală cấp tơngai lơh broă bơh nam 2021 tus 2026, Bảo tàng càr Dak Lak pa bơyai lơh sơn đờm ràng tơlĭk jăt tơngu me “Ngai chờ Dà lơgar”.

                                                         Mpồl cau tus sền dơ̆ ràng tơlĭk rùp

Ràng tơlĭk geh 3 tơngu me tờm: Bác Hồ mờ Quốc hội lơgar Việt Nam; Bơta niam Quốc hội lơgar Việt Nam; Ală broă lơh geh pơnrơ bơh Mpồl kuang bàng Quốc hội mờ Hội đồng Nhân dân ală cấp càr Dak Lak.

Di pơgăp geh 130 pang rùp geh yal, ràng tơlĭk pơgồp bal tàm broă tơlĭk loh ală cồng nha bơh Quốc hội mờ HĐND ală cấp đơs bal; broă lơh bơh Mpồl kuang bàng Quốc hội mờ HĐND ală cấp tàm càr Dak lak đơs is bơh ală rài; mờ đơs tờm tus mờ broă geh pơn jăt tai, tơnguh nùs nhơm tam gơl pa bơh Quốc hội tàm broă lơh adăt boh lam, sền gròi mờ ai tơlĭk ală broă kuơ màng Dà lơgar dê; broă lơh jăt kơnòl là anih lơh broă geh gơnoar bơh Dà lơgar tàm broă lơh jăt thể chế gùng dà broă lơh bơh Đảng gơs broă lơh, adăt boh lam bơh Dà lơgar dê.

Cau mblàng Ndong Brawl