VOV4.K’ho- Dơ̆ pơrlòng jơh bơsram kấp pe nam 2021, gùt càr Dak Lak geh 19 rơbô 800 nă cau dan cih mat tus bal pơrlòng, tàm 32 tiah pơrlòng tàm jơh ală kơnhoàl, thị xã mờ ƀòn dờng Buôn Ma Thuột. Nàng pờ đèng gàr niam bơta ờdo ờdă, geh sùm tàm tơngai bơyai lơh dơ̆ pơrlòng, Công ty Ồs đèng Dak Lak pơgồp bal mờ Sở Giáo dục mờ Đào tạo càr bơyai lơh kờp sền jơh ală tiah pơrlòng, mpồl duh broă pơrlòng, ală tiah in, photo jơnau pơrlòng mờ ai điềm pơrlòng. Bơh hơ̆, bơt bơtàu mờ lam lơh jat ală gùng dà broă lơh ngui khà đèng, gùng che ồs đèng ngăc ngar mờ di pal.

Lòt sền ală gùng che ồs đèng ală tiah pơrlòng tàm hìu bơsram

Ồng Nguyễn Văn Hảo- Trưởng phòng Điều độ Công ty Ồs đèng Dak Lak đơs, bulah kòp Covid-19 gơlik geh kal ke, mơya ală mpồl ồs đèng gơwèt càr neh lam bơyai lơh broă lòt sền gùng che ồs đèng; bơsong ală bơta gơlik geh nisơna tàm gùng che ồs đèng nàng kơryan bơta aniai; rcang lài tơl làm rơndeh rơndồ măy mok, phan bơna rcang lài kung bè tơnguh broă lơh lơh broă ngui đèng, lơh broă bơsong bơta aniai, gàr niam jơnau yal tơngĭt bal sùm jơh ngai mờ mang tàm jơh tŭ tơngai bơyai lơh dơ̆ pơrlòng.

Cau mblàng K’Hạnh