VOV4.K’ho- Dak Lak gam mut tàm tơngai trồ tơngai duh uă ngan bơh kàl prang nam 2020-2021 dê, gùng che ồs đèng gơguh uă. Den tàng, gah lơh ồs đèng pal rcang lài lam lơh uă gùng dà broă lơh nàng kờñ gàr niam broă ai đèng ờdo ờdă, geh đèng sùm, kơ̆ kơl jap nàng drơng broă tàm rài kis, lơh broă sa bơh làng bol mờ mpồl lơh sa kă bro dê.

Nàng gàr niam broă ngui ală gùng che ồs đèng niam ngan rlau jơh tàm kàl prang, Công ty neh lơh ngan tàm tơrbŏ bal broă lơh pa, ala ală sứ, bơsong ală gùng che ờ niam, kờp wơl, tơrgùm wơl nền cê ală gùng che ồs đèng tàm tŭ lơh broă, ngan là ală tiah tờm drơng jơnau kờñ ƀồm tuh dà nàng bơt bơtàu gùng dà broă lơh ai đèng di pal, di pal mờ jơnau kờñ mờ bơta geh ngan; sùm lòt sền gùng che ồs đèng, ală rơ le, gùng pleh ờdo ờdă gùng che ồs đèng cao áp.

Gơwèt mờ mpồl lơh broă gơwèt Công ty dê neh lơh ngan jat sền gùng che ồs đèng tam ală trạm biến áp tàm ù tiah càr dê nàng geh broă lơh ring bal gùng che ồs đèng dĭ tŭ mờ rcang lài măy biến áp rcang lài nàng kờñ gàr niam broă ai đèng ờdo ờdă, geh đèng sùm ai năc in ngui tàm gùt tiah do dê.

Cau mblàng K’ Hạnh