VOV4.K’ho – Lơh jat rơndap broă bè “Dong kờl cau ùr sơn đờm mut lơh broă tơngai bơh nam 2017 tus nam 2025 “, bồ nam do, Mpồl tam klac cau ùr càr Dak Lak neh jàu priă bơcri sơn đờm mut lơh broă, sơn đờm kă bro ai 219 nă cau tàm mpồl in bơtàu tơnguh lơh sa, kă bro mờ kờp jơh priă tă dong kờl rlau 3 tơmàn 100 tơlak priă.

 Bal mờ hơ\, lơh jat broă lơh “Lòt bal mờ cau ùr tiah nhàr dà lơgar”, Mpồl tam klac cau ùr càr gam bơyai lơh bơ to pơlam bơta chài ròng kơnrồ me, pà phan, tàm tơrbo\ phan lơh gơs sơn đờm mut lơh broă, jàu priă bơcri jòi broă lơh ai cau ùr 3 xã tiah nhàr dà lơgar: Krông Na (kơnhoàl Buôn Đôn) mờ Ia Lốp, Ea Bung (kơnhoàl Ea Sup) in bơtàu tơnguh lơh sa.

Bơh broă lơh geh jàu, Mpồl tam klac cau ùr càr neh pơgồp bal mờ Ngân hàng chính sách xã hội tă rlau 54 tơmàn priă ai 643 dơ\ cau ùr r[ah in càn, gàr mờ tơnguh uă cồng nha lơh broă 1 rbô 357 mpồl tềm pềr ai càn priă.