VOV4.K’ho- Tơnơ̆ rlau 2 nhai lam lơh broă lơh “Gùng pờ internet mờ măi tính ai oh in”, gah bơto bơsram càr Dăk Lăk neh tă pơgồp geh rlau 4 tơmàn 500 tơlak đong lam lơh broă dong kờl măi tính, điện thoại ngac ngar ai ală kơnòm bơsram geh rài kis kal ke in.

Jat Sở giáo dục mờ Đào tạo càr Dăk Lăk yal, tềng đap broă gơlik geh kal ke mờ digơlan gam jŏ jòng bơh kòp Covid-19 dê, jơh gùt gah do đal git, broă bơto bơtê mờ bơsram pờ tơn tàm internet là broă lơh sùm mờ digơlan gam lam lơh jŏ jòng. Bulah bè hơ̆, jơh gùt càr gam rlau 268 rbô nă kơnòm bơsram ờ geh măi mok nàng bơsram pờ tơn tàm internet, tàm hơ̆ kơnòm bơsram kấp 1 ờ geh măi mok bơsram pờ tơn tàm internet geh rlau 60%.

Gah bơto bơsram càr Dăk Lăk gam pơn jat tai hòi jà ală cau geh nùs nhơm niam tă pơgồp lam lơh broă lơh “Gùng pờ internet mờ măi tính ai oh in”, mờ kung tơnguh cồng nha, bơta niam broă lơh dê, wèt tus lơh gơs kơnòl broă “Ơm ờ lòt hìu bơsram mơya ờ ơm broă bơsram”.

Cau mblàng K’Duẩn