VOV4.K’ho - Tơngai pa do, mpồl lơh broă geh gơnoar tàm càr Dak Lak sùm go\ uă cau tàm bơh càr ndai tus ơpah ù tàm tiah ngài sơgàm tàm broă tam phan mờ ròng phan kờ` tam tòm cần sa. Kuang àng càr Dak Lak gam lơh uă broă lơh, tơnguh broă sền gròi tàm ală tiah kờ` di tu\ go\ dus mờ chu pơrgu\c tòm cần sa; mờ chồl pràn broă lam sồr tơnguh jơnau g^t wă làng bol dê bè bơta aniai bơh ma tuý.

Lồi nhai 7 lài do, Kuang àng kơnhoàl Cư\ Mgar, càr Dak Lak go\ Nguyễn Đắc Dương, kis tàm [òn 4, xã Hoà Thuận, [òn dờng Buôn Ma Thuột tam tòm cần sa ờ di mờ adăt boh lam. Jăt jơnau yal bơh Dương dê, tàm nggùl nam 2008, klao do tus [òn A-Ring, xã Cuôr Dăng, kơnhoàl Cư\ Mgar ơpah 5 sào ù gời bơh ồng Y Cin Niê kờ` tam kơphe mờ ròng iar.

                                Dùl nă cau gơbàn kuang àng càr Dak Lak lơh glài tài tam cần sa

Tu\ iar gơbàn kòp, Dương lòt blơi sơnơm den tìp mờ cau ndai mờ geh yal blơi gar sơntìl tòm krơi is cèng tam ai iar in sa geh bời kòp. Kơno cau do yal niam, Dương neh blơi 1 kơl dung geh 300 nai gar cèng rê tam, mờ mìng tu\ gơbàn mpồl lơh broă geh gơnoar go\ hơ\ sồng g^t do là tòm cần sa. Nguyễn Đắc Dương yal:

-Bồ nam a` ròng 150 nơm iar, tu\ iar gơbàn kòp tus hìu tăc sơnơm kờ` blơi sơm iar in. Tàm hơ\ a` geh tìp mờ 1 nă cau lòt tăc đơs là blơi gar do cèng tam ai iar in sa là bời kòp. Tài a` ờ g^t den tàng neh cèng tam tàm suơn tus tàm tu\ kuang àng kơnhoàl Cư\ Mgar go\ den hơ\ sồng g^t hơ\ là tòm cần sa. Tàm anih lơh broă kuang àng, a` neh yal jơh. Tu\ do a` g^t là tòm cần sa den ờ tam tai bơta tòm chi do.

Ồng Y Wen Niê, kuang atbồ [òn A-Ring, xã Cuôr Dang, kơnhoàl Cư\ Mgar pà g^t, tơngai pa do, tàm [òn do geh ờ uă cau tus bơh ală càr, [òn dờng ndai lùp ơpah ù kờ` ròng phan, tam phan.

                             Rơlao 15 rơbô tòm cần sa tàm càr Dak Lak rơcang cèng tơ\p pơrgu\c

Kờ` pleh mờ broă sơgràm tam tòm cần sa, làng bol tàm [òn di lah ai ơpah ù den pal lơh sră mờ cih nền nòn ală bơta, geh gơnoar atbồ [òn lơgar dờp. Bơdìh hơ\ tai, tu\ ơpah ù pal sùm tus sền gròi ù tiah kờ` pleh mờ bơta gơbàn kal ke, tài di gơlan cau ơpah ù ngui ù ờ di pal:

-Tu\ lơh sră ai ơpah ù den he pal lơh loh, tàm broă lơh den geh tam tòm lơi cih tàm pang sră mờ pal geh UBND xã dờp niam. Sră lơh broă bal geh tơngai pal cih loh là nđờ nam, bè di lah 5 nam, 10 nam ha là 20 nam kung pal cih loh. Bơdìh hơ\ tai, cau ai ơpah ù pal tus sền sùm, di lah ờ den cau tam chi lơi den he ờ g^t, di lah go\ tam ờ di den he ai wơl ù mơ.

Jăt Đại uý Nguyễn Văn Anh, Phó mpồl atbồ mpồl cảnh sát lùp khào cau tìs bè broă lơh sa mờ ma tuý kuang bàng kơnhoàl Cư\ Mgar yal, pa do, broă tam tòm cần sa ờ di mờ adăt boh lam tàm kơnhoàl do gơbàn kal ke.

                                   Ală cau mờng rơwah ù tàm tiah ngài kờ` tam tòm cần sa

Geh ờ uă cau g^t là tìs mờ adăt boh lam mơya kung gam tam tòm cần sa sơl kờ` tăc tài geh kuơ. Bơta bal bơh ală broă do là tu\ neh go\ den ală cau do ndrờm ờ bài dờp tìs, mờ ală cau tòm ơpah ù den jòi tơl bơta kờ` dô. Đại uý Nguyễn Văn Anh mblàng:

-Di lah gơbàn go\ den uă cau sùm kơn dang mờ đơs ờ g^t tòm cần sa, di lah g^t den mìng yal là tam kờ` ròng phan, mìng tus tàm tu\ broă tàm kơn dang ngan den hơ\ sồng ală cau do dờp. Tàm tơngai tus, mpồl lơh broă sơndră, tam dră mờ ma tuý bol a` geh sùm sền gròi, pơgồp bal mờ kuang àng xã bơyai lơh tus sền tàm ală suơn ngài, kờ` tu\ go\ den dus mờ chu jơh tòm cần sa. Bal mờ hơ\, lam sồr, bơto bơtê làng bol ba` tam tòm cần sa tai.

5 nam do, mpồl kuang àng càr Dak Lak neh go\ 21 dơ\ tam tòm cần sa ờ di mờ adăt boh lam tàm suơn. Gah lơh broă geh gơnoar kung neh lơh glài 21 nă cau tìs. Tàm hơ\ neh yă 10 nă, lơh glài uă nam jàm tài tìs tam tòm cần sa mờ prăp ờ di pal ma tuý, ku\p mờ tơ\p pơru\c rơlao 15 rơbô tòm cần sa.

                            Bă ù tam tòm cần sa tàm tiah ngài kơnhoàl Ea H' Leo gơbàn dus sơbì

Thượng tá Hoàng Tùng Diễn, Phó kuang atbồ phòng Cảnh sát lùp khào cau tìs bè ma tuý Kuang àng càr Dak Lak pà g^t, tềng đăp mờ bơta tìs bè tam ờ di mờ adăt boh lam tòm cần sa gơguh uă, tàm tơngai tus, mpồl kuang àng geh chồl pràn boă lơh, pơgồp bal mờ mpồl lơh broă geh gơnoar lơh uă broă kờ` kơrian bơta do:

-Kờ` kơrian bè broă tam ờ di mờ adăt boh lam tòm cần sa, tơngai tus, mpồl cảnh sát ma tuý pal chồl pràn broă lơh, tam dră kờ` kơrian geh cồng nha mờ ală bơta tìs gơrềng tus mờ broă tam ờ di mờ adăt boh lam tòm cần sa, tòm jrào phiện; lơh glài nền nòn ală cau kă bro, ngui ờ di mờ adăt boh lam ală phan jrào phiện. Mờ pơlam UBND càr đơng lam ală gah, mpồl lơh broă tơnguh broă lam sồr kờ` tơnguh jơnau g^t wă là làng bol kòn cau g^t loh nùs nhơm sơgràm bơh cau tìs bè ma tuý dê.

Mùl màl pà go\, kờ` sơbì jơh ală bơta tòm bè cần sa, anh túc tàm ală xã tiah ngài tàm Tây Nguyên, ờ mìng mpồl lơh broă geh gơnoar mờ pal geh broă tus bal bơh mpồl bơtiàn, jơh ală gah, mpồl lơh broă chính trị tàm broă lam sồr bè bơta aniai bơh ma tuý, tơnguh jơnau g^t wă làng bol in bè bơta aniai bơh tòm cần sa, tòm anh túc dê.

Cau mblàng Ndong Brawl