VOV4.K’ho- UBND càr Dak Lak pa ai ngui broă rơndap lơh lam lơh jat broă sac rơwah phan bơna lơh sa mờ măy mok ƀòn lơgar pơn rơ jak nam 2020. Broă sac rơwah nàng kờñ sền gŏ mờ jờng rơ ală phan bơna lơh sa mờ măy mok ƀòn lơgar pơnrơ jak geh bơta bơkah niam uă, bơta kuơ ngui uă, geh bơta pràn bơtàu tơnguh nàng geh broă rơndap lơh dong kờl bơtàu tơnguh lơh sa, yal tơngĭt phan bơna mờ gơhòi gơ jà kă bro, pơgồp bơnah sơlơ bơtàu tơnguh lơh sa mờ măy mok ƀòn lơgar.

Phan bơna tus bal sac rơwah ờ lơh tìs mờ gơnoar geh ngui bồ tơngoh jak, gơnoar atbồ lơh sa mờ măy mok, geh bơta pràn lơh gơlik dùl ròt  phan bơna mờ khà uă ngan, di pal mờ jơnau kờñ bơh drà kă bro dê mờ ờ gŏ di là phan bơna mìng dùl lơm. Nam 2020 gùt càr geh 14 phan bơna lơh sa mờ măy mok ƀòn lơgar pơnrơ jak kấp càr mờ 5 phan bơna geh jờng rơ kấp tiah tàm gùl lơgar mờ Tây Nguyên.

Cau mblàng K’ Hạnh