VOV4.K’ho- Tàm nam 2018 mờ quý dùl nam do, gah lơh broă geh gơnoar càr Dăk Lăk dê neh sền go\ mờr 1.360 dơ\ lơh tìs Adat Sền gàr mờ Bơtàu tơnguh brê, gơmù rlau 440 dơ\ pơndrờm bal dùl tu\ mờ nam lài, tàm hơ\ uă ngan là pơndiang kă bro dơm chi brê tìs mờ kơrnoat boh lam.

Anih lơh broă geh gơnoar neh bơsong mờ priă jền mờr 1.200 dơ\, lơh glài ku\p jàm 23 dơ\ bal mờ 34 nă cau gơtìp yă, ku\p rlau 1.900 khối dơm chi bal mờ gi\t nđờ rhiang nơm rơndeh rơndồ phan ngui ală bơta, tong kes priă dà lơgar in mờr 15 tơmàn. Jơnau geh ngan mus brê, koh kơl, pơndiang, pơrdu\, prăp pồn dơm chi brê tìs mờ kơrnoat boh lam gam gơlik geh kal ke bè broă lơh mờ khà lơh tìs.

Pa do, bă brê 1219 bơh Công ty TNHH Lâm nghiệp Krông Bông atbồ geh 48 tờm chi pơmu gơtìp kơl kơ`au, tàm kơnhoàl M’Drak gơlik geh dơ\ pơndiang tìs mờ kơrnoat boh lam rlau 30 khối dơm chi. Kuơmàng, nhai 2 pa do, tàm bă brê 824, gơ wèt xã Cư San, kơnhoàl M’Drak, mpồl lơh broă geh gơnoar neh sền go\ mờ ku\p rlau 22 khối dơm chi wil, tu\ do kung gam ờ hềt gi\t sơl cau lơh tìs.

Cau mblàng Lơ Mu K’Yến