VOV4.K’ho- Kờp tus 4 jiơ mho ngai 29/7, càr Dak Lak sền gŏ tai 7 nă cau bơtờp kòp Covid-19, tơnguh khà cau kòp gùt càr 185 nă. Càr kung pơn jat tai sền gŏ khà cau uă ngan rê bơh tiah kòp bơh ală càr tiah đah Jum dà lơgar dê mờ broă gròi sền geh sồr lơh kràñ rlau tai.

Jat jơnau yal bơh Mpồl đơng lam rcang sơndră kòp Covid-19 càr Dak Lak, 7 nă cau bơtờp kòp pa geh sền gŏ tàm 4 kơnhoàl, tàm hơ̆ geh: kơnhoàl Cư M’gar 3 nă; kơnhoàl Krông Bông 2 nă; kơnhoàl Krông Pắch 1 nă mờ ƀòn dờng Buôn Ma Thuột 1 nă. Tàm khà ală cau bơtờp kòp pa, mìng geh 1 nă cau kòp geh sền gŏ tàm tiah ai ơm yah ngài, tàm bơtờp kòp bơh tiah kòp neh geh sền gŏ lài hơ̆. Gam wơl, ndrờm geh bơta lòt rê bơh càr Bình Dương. Càr Dak Lak tàm ală ngai pa do kung pơn jat tai sền gŏ khà uă ngan cau rê bơh ƀòn dờng Hồ Chí Minh, Bình Dương mờ ală càr tiah đah Jum dà lơgar dê rê wơl. Uă cau kòp geh sền gŏ geh bơta lòt rê bơh tiah kòp do mờ càr gam lơh broă gròi sền kràñ rlau tai mờ công nghệ thông tin gơwèt mờ cau rê bơh tiah kòp.

Cau mblàng K’Hạnh