VOV4.K’ho - Kờ` bal mờ cau ùr tàm tiah nhàr dà lơgar, ai geh broă lơh dong kờl cau ùr tơnguh rài kis. Mpồl tam klăc cau ùr Việt Nam càr Dak Lak gam lơh jăt broă pờ ală ơdu\ bơto broă lơh ai cau ùr tàm ală xã tiah nhàr dà lơgar kơnhoàl Ea Sup, càr Dak Lak in.

Ngài mờ tiah tàm gùl kơnhoàl rơlao 50 kơi sồ, xã Ia Lốp, kơnhoàl Ea Sup là 1 xã tàm tiah nhàr dà lơgar càr Dak Lak dê, broă lơh sa mpồl bơtiàn kal ke. Làng bol tàm xã mìng lơh broă sa suơn sre, lơh sre bal mờ tam ală bơta phan tam ờ jo\ tơngai.

                            Ơdu\ bơto may phan geh lơh tơn tàm xã kờ` [uơn ai ală oh mi cau ùr in tus bơsram

Tơnơ\ mờ uă dơ\ tus sền ù iah bal mờ broă kờ` bơh cau tàm mpồl dê, bồ nhai 9 do. Mpồl tam klăc cau ùr càr Dak Lak pơgồp bal mờ hìu bơto broă lơh- hìu bơsram thường xuyên kơnhoàl Ea Sup neh pờ ơdu\ bơto may phan ai cau ùr in.

Lo\ Triệu Thị Hát, kòn cau Tày, kis tàm [òn Đoàn, xã Ia Lốp pà g^t, tài là xã tiah ngài, gùng lòt kal ke den tàng bơh lài tus tu\ do ờ hềt geh 1 mpồl lơh broă lơi tus pờ ơdu\ bơto broă lơh làng bol in. Tu\ do, ơdu\ neh pờ tơn tàm xã, oh mi cau ùr tus bơsram kờ` geh broă lơh mờ tơnguh rài kis.

-Tàm xã do là 1 xã tiah ngài, den tàng ờ hềt geh ơdu\ lơi tus tàm do kờ` pờ bơto. A` go\ đah mpồl cau ùr yal ală cau tàm mpồl bè hơ\ den chờ ngan. Mờ a` kơlôi ală oh mi cau ùr tàm xã do cau lơi kung chờ.

Di lah đah hìu bơto geh pờ uă ơdu\ bơto broă lơh ai oh mi cau ùr tàm xã do in, den a` kơlôi là ală oh mi cau ùr ndai cau lơi kung kờ` geh broă lơh kờ` tơnguh rài kis tàm hìu nhă ờ kal ke rơlao.

Nam do neh 53 sơnam, mò Nguyễn Thị Mến, kis tàm [òn Vùng, xã Ia Lốp, kơnhoàl Ea Sup gam chờ hờpp ngan tus bal mờ ờ du\ bơsram may phan pa geh pờ tàm xã do.

                    Ală oh mi cau ùr kơ\p kờ` geh uă ơdu\ bơto broă lơh pờ bè do kờ` bơsram geh broă lơh di pal

Bơta pràn kơl dang să jan neh ờ pràn tai, ờ gơtùi lơh broă tàm suơn tàm mìr sùm, mò Mến neh dan cih măt mu\t bơsram, mờ kơ\p kờ` tơnơ\ do geh may is ào mpha tơn tềng hìu ha là dờp phan may bơh cau ndai kờ` geh priă tàm rài kis.

Tơnơ\ mờ tu\ tơn jơh bơsram do, a` kung kơ\p kờ` geh dờp phan kờ` may, kờ` geh priă tàm rài kis hìu nhă in mờ kung kơ\p kờ` geh broă lơh kờ` may phan oh kòn in.

Ơdu\ bơto may phan geh pờ tơn tàm xã Ia Lốp, geh 35 nă cau ùr rơ[ah tàm xã  do tus bơsram. Tàm 3 nhai bơsram, ală cau bơram geh bơsram mờ broă lơh tòm tàm broă may phan, broă ngui măy, măy may phan, bơram koh phan ală bơta: ào sơmi, mpha, cau klao, cau ùr mờ ờ uă ồi mbơn cau ùr, mờ 100 tiết bơram cih tà pang sră mờ 300 tiết bơram tơn mờ măy.

Jơh ală khà priă bơsram bal mờ priă sa ngai ai cau bơsram in ndrờm ờ geh tă. Hìu bơsram dong kờl phan, măy mo\k, sră bơsram tàm tơngai bơsram. Mò Nguyễn Thị Hồng Phượng, kuang atbồ hìu bơsram broă lơh – bơto thường xuyên kơnhoàl Ea Sup pà g^t, tơnơ\ mờ dơ\ bơsram, cau bơsram geh jào sră dờp neh jơh bơsram broă lơh, ai tơl bơta niam kờ` ală oh mi cau ùr gơtùi pờ is broă may phan tàm hìu, ha là geh yal dan lơh broă tàm ală hìu may tàm càr.

-Gơwèt mờ xã Ia Lốp den mpồl cau lơh broă là cau ùr geh uă. Den tàng, mpồl do neh pơgồp bal mờ mpồl tam klăc cau ùr càr pờ ơdu\ do ai oh mi cau ùr tàm xã Ia Lốp in. Ơdu\ do mìng là may han tàm hìu, oh mi tơnơ\ mờ tu\ neh bơsram den gơtùi pờ is ală hìu may phan dềt ha là gơtùi dan may phan tàm ală anih lơh sa.

Ha là di lah geh broă pơgồp bal niam bơh ală mpồl lơh broă mờ anih lơh sa kă bro, di lah dong kờl gơtùi den geh pơgồp bal dờp phan cèng may ai ală oh mi cau ùr tàm xã mờ tàm hìu in.

Càr Dak Lak tu\ do geh 4 xã tiah nhàr dà lơgar Ia Lốp, Ia Bung, Ia Rvê kơnhoàl Ea Sup mờ Krông Na kơnhoàl Buôn Đôn. Lơh jăt rơndăp broă “Bal mờ cau ùr tiah nhàr dà lơgar” tơngai bơh tu\ do tus nam 2020; mpồl tam klăc cau ùr Việt Nam neh sồr mpồl lơh broă đah jum dà lơgar mpồl tam klăc cau ùr càr Bắc Ninh  tus bal dong kờl 2 xã Ia Lốp mờ Ia Bung, 2 xã gam tai, mpồl tam klăc cau ùr càr Dak Lak dong kờl.

Mò Nguyễn Thị Thu Nguyệt, kuang atbồ mpồl tam klăc cau ùr Việt Nam càr Dak Lak pà g^t, ală broă lơh bơh rơndăp broă wèt tus tam gơl jơnau g^t wă oh mi cau ùr tàm broă sơlèt is kờ` klàs mờ rơ[ah, tơnguh broă dong kờl priă, pơgồp bal pờ ơdu\ bơto broă lơh kờ` geh broă lơh mờ tơnguh bơta pràn kơl dang să jan bal mờ nùs nhơm cau ùr tm tiah nhàr dà lơgar in.

Mpồl cau ùr geh tơnguh uă gơnoar mờ kơnòl să tòm tàm broă dong kờl ală priă bal mờ bơyai lơh pờ ală ơdu\ bơto broă lơh kờ` cau ùr geh bơsram broă lơh mờ geh broă lơh tom, pơgồp bal mờ broă dờp phan lơh broă kờ` geh tăc, dong kờl oh mi cau ùr iang nùs mờ broă lơh să tòm.

Bơdìh hơ\ tai, mpồl tam klăc cau ùr càr kung tơrgùm tàm broă bơ\t bơtàu ală mpồl cau ùr kòn cau “5 ờ 3 kloh” pơgồp mờ broăbơ\t bơtàu [òn lơgar pa tu\ do. Pơn jăt tai lơh ală broă tơnguh bơta pràn kơl dang să jan, pơlam sền gàr bơta pràn kơl dang să jan cau ùr, tơnguh uă bè bơta pràn mờ rài kis nùs nhơm kờ` cau ùr tàm tiah nhàr dà lơgar geh tơl bơta tàm broă ròng mờ bơto kòn niam tàm hìu mờ bơ\t bơtàu hìu nhă gơboh gơbài.

Cau mblàng Ndong Brawl