VOV4.K’ho- Mpồl đơng lam pà mhàm dong kờl is càr Dăk Lăk dê pơgồp bal mờ ală mpồl cau neh sơnđờm lam lơh broă lơh pà mhàm dong kờl is Ngai rlô pơrhê nam 2022. Broă lơh neh dờp geh rlau 220 kơldung mhàm tàm dơ̆ dờp dơ̆ sơnrờp tàm ngai 08/01.

Jăt ồng Nguyễn Đức Phú là Kwang ătbồ Cơldŭ lơh broă sră nggal Mpồl đơng lam pà mhàm dong kờl cau càr Dăk Lăk dê yal, tŭ do bơta kòp Kovid-19 kung gơbàn kal ke ngan, geh pơhìn ờ tơl mhàm uă ngan ơn prăp drơng dong kờl sơm kòp kơn jơ̆ tàm nam, kung bè tàm dơ̆ sa tềp bơhiàn mờr tus. Jăt broă rơndăp lơh, tàm nhai 01 do, geh bơyai lơh 6 dơ̆ hòi jà pà mhàm, digơlan dờp geh pơgăp bơh 2 rbô 500 tus 3 rbô kơldung mhàm. Khà mhàm dờp geh tơnơ̆ hơ̆ geh pơyua tus Viện huyết họk mờ pà mhàm dà lơgar in pơgăp 1 rbô kơldung mhàm, ai tàm càr geh prăp wơl pơgăp 2 rbô kơldung nàng drơng sơm kòp kơn jơ̆ tàm dơ̆ sa tềp bơhiàn.

Cau mblàng Lơ Mu K’Yến