VOV4.K’ho-Ngai 19/5, Hội đồng Đội càr Dak Lak pơgồp bal mờ Hìu bơta niam chài Ơruh pơnu kơnòm pa tàu mờ kơnòm dềt càr dê bơyai lơh dơ̆ sơnđờm mut ngui broă lơh Tiah suơn kơnòm dềt Dak lak mờ dà lềng, ƀồt bơlào dà lơgar dê.

Ală Kuang bàng cùp rùp kir sơnrai tàm Tiah suơn kơnòm dềt mờ dà lềng, ƀồt bơlào dà lơgar

Broă lơh geh lơh tàm Hìu bơta niam chài Ơruh pơnu kơnòm pa tàu mờ kơnòm dềt càr dê, tàm hơ̆ geh broă lơh jrong tiah nhàr lơgar lơh dềt ală ƀồt bơlào tàm ƀồt Trường Sa. Tàm tơl jrong tiah nhàr lơgar ndrờm geh mblàng yal tơl làm bè mat jrong tiah nhàr dê, vĩ độ, kinh độ. Rlau 1 nhai lam lơh bơt bơtàu mờ khà priă mpồl bơtiàn bơh ală mpồl lơh broă dong kờl mờ bơh bơta tă pơgồp bal bơh kơnòm dềt gùt càr dê bơh broă lơh rơndap broă lơh dềt, broă lơh neh geh lơh sir, kờp jơh priă bơt bơtàu là 170 tơlak đong.

Broă lơh geh lơh tàm Hìu niam chài ơruh pơnu kơnòm pa tàu mờ kơnòm dềt càr Dak Lak

Tiah suơn ờ mìng lơh geh tiah nhơl niam  tàm Hìu niam chài ơruh pơnu, kơnòm pa tàu mờ kơnòm dềt càr dê lơm, mờ gam là broă lơh bơto bơtê sền tơn mờ mat niam ngan ai ơruh pơnu, kơnòm pa tàu mờ kơnòm dềt in, bơh hơ̆ pơgồp bơnah bơto bơtê bơta gĭt wă ai ală kơnòm dềt in bè broă dà lềng, ƀồt bơlào mờ gơnoar tờm ù tiah, bơt bơtàu bơta kờñ gơboh ƀòn lơgar, tơnguh uă nùs nhơm geh kơnòl bơh rơnàng kơnòm să dê tàm broă bơt bơtàu mờ sền gàr dà lơgar.

Cau mblàng K’Hạnh