VOV4.K’ho - Trơgùm kờp bơh gah lơh sơnơm càr Dak Lak ai go\,  tàm gùl bồ nhai 10 do, gùt càr Dak Lak neh cih dờp 13 na\ cau go\ kòp mờ virus sởi. Ala\ cau kòp gơbàn tàm 2 kơnhoàl Ea Súp (2 na\), Buôn Đôn (11 na\) mờ ua\ sơnam krơi is (sơnam ờ hềt geh cit sơnơm vaccine sơndra\ mờ kòp sởi hala cit sơnơm ờ tơl ding).

Trung tâm y tế  dự phòng càr Dak Lak ai git,  gah lơh sơnơm neh bơyai lơh sền gròi jơh gùt dar tềng gơbàn kòp, mut lơh cah is cau kòp mờ bồm sơnơm lơh kloh kòp tàm hìu ala\ cau kòp mờ tiah gùt dar. Nàng gàr niam khà cau cit sơnơm  sơndra\ mờ kòp sởi gơguh jơnhua, den broa\ mblàng pơlam geh  bơtàu tơngguh git wa\ bơh làng bol neh geh gah lơh sơnơm  ai lam lơh  lài jơh.

Cau mblàng K’ Brọp