VOV4.K’ho-Kơnờm lam lơh uă broă lơh krà` cê jơh nùs, mơkung jơh nùs dong kờl cau tong priă dia, den tàng broă tă priă dia dà lơgar 7 nhai do tàm càr Dak Lak lơh geh uă ngan rlau jơh pơndrờm bal dùl tu\ mờ uă nam.

Tu\ do, khà tă priă dia dà lơgar tàm càr Dak Lak geh rlau 2.700 tơmàn, gơguh rlau 23% pơndrờm bal dùl tu\ mờ nam lài. Uă bơnah tă priă dia gơguh uă bè priă dia lơh sră ai gơnoar jòi phan kuơ tàm ù, priă dia apah ù…

Broă tă priă dia dà lơgar lơh geh uă dùl bơnah là tài bơh càr lam lơh bàr pe rơndăp broă lơh pleh jơnau ờ geh tă dia tàm broă lơh jòi phan kuơ tàm ù, lơh sa kă bro kơphê, broă lơh sa kă bro hìu `ô sa dờng, hìu năc…

Nàng lơh geh sơrlèt rlau mờ broă rơndăp lơh nam 2018, gah dia càr Dak Lak pơn jat tai lòt bal, dong kờl, tă bơsong ală kal ke kòl yan, kờ` pơgồp bơnah tàm broă lơh geh tiah lơh sa kă bro niam, dong ai ală mpồl lơh sa kă bro in tơrmù ală bơnah priă tă ờ kuơ, iang nùs lơh broă lơh sa kă bro, tă pơgồp ngai sơlơ niam rlau ai kes priă in.

Cau mblàng Lơ Mu K’Yến