VOV4.K’ho – Drim ngai 8/5, Mpồl kuang bàng Quốc hội càr Dak Lak lơh pơrjum tìp mat cau te\ khà nàng tă pơgồp jơnau đơs bè rơndap lơh Adat sền gàr tiah nhàr dà lơgar Việt Nam lài mờ pơrjum dơ\ 9, Quốc hội khóa 14. Jơh ală jơnau đơs cau te\ khà đơs nền, bơt bơtàu Adat sền gàr tiah nhàr dà lơgar là kuơmàng ngan tàm tu\ tơngai pa tu\ do. Ală kuang bàng kung neh tă pơ gồp jơnau đơs bè mat sơnđan mờ gơ noar tam gơl, bơta ring bal bơh adat dê tàm adat boh lam, broă lơh dong kờl bè sền gàr tiah nhàr dà lơgar, kơ nòl sền gàr tiah nhàr dà lơgar…

Ală cau te\ khà kung đơs là, do là ală tơngume kuơmàng ngan ai tơnggo\ broă rề ơnàng gơ noar bơsir bơh jơnau rơcang cih adat boh lam dê, tơngume do pal geh đal git loh làng, pleh gơ tàm rơndil bè kơ nòl đah ală mpồl ling. Ồng Y Biêr Niê, Kuang atbồ Mpồl kuang bàng Quốc hội càr Dak Lak pà git, bơh ală jơnau đơs mờ cau te\ khà tă pơgồp, mpồl geh cih dờp mờ yal Quốc hội in sền sơwì, pơgồp bơnah lơh sir rơndap lơh Adat sền gàr tiah nhàr dà lơgar Việt Nam.

Cau mblàng K’Duẩn