VOV4.K’ho- Bơt bơtàu Dak Lak là tiah tờm tiah Tây Nguyên; gơ hòi gơ jà mpồl cau lơh broă mờ bơtàu tơnguh mpồl kuang bàng là cau kòn cau; broă gung lòt; bơtàu tơnguh lơh sa suơn sre brê bơnơm…là ală tơngume geh ală cau ala mat cribơyai duh hồl ngan tàm pơrjum mpồl bơtìan tă pơgồp jơnau đơs tàm rơndap cih Jơnau yal Chính trị yal tàm Pơrjum dờng Đảng bộ càr Dak Lak dê dơ\ 17, geh lơh tàm [òn dờng Buôn Ma Thuột, càr Dak Lak.

Ală cau ala mat neh tơr gùm cribơyai ală tơngume bè tơngume jơnau yal Chính trị mờ gùng dà bơh pơrjum dờng dê, sền sơ wì cồng nha lơh jat Nghị quyết Pơrjum dờng Đảng bộ càr dê dơ\ 16, tơngai lơh broă bơh nam 2015-2020; jơnau kờ`, broă jàu mờ gùng dà broă lơh bơtàu tơngguh tơngai lơh broă bơh nam 2020-2025; ală mpồl kơnòl broă, gùng dà broă lơh; broă lơh bơtàu tơnguh mờ ală kơnòl broă tờm.

Bè tơngume jơnau yal Chính trị mờ jơnau đơs dơ\ pơrjum dờng dê, uă ngan ală cau ala mat ring bal rơ wah gùng dà broă lơh tơngume “ tơngguh uă bơta pràn jak, bơta pràn đơng lam, bơta pràn tam lơh bơh Đảng bộ dê; lơh jat bơta pràn tam klăc dờng jơi bơtìan; tơr gùm bơtàu tơnguh lơh sa- mpồl bơtìan mhar, kơ\ kơl jap; gàr kơ\ kơl jap dà lơgar mờ bơta lơngap lơngai; bơt bơtàu Dak Lak pas niam, rài kis niam chài is, di pal là tiah tờm tiah Tây Nguyên dê” . Tàm hơ\, cau ala mat sồr lơh loh tai jơnau kờ` “di pal là tiah tờm tiah Tây Nguyên dê” dùl bă ngan ngồn mờ nền nòn rlau tai, pal lơh loh “ Tiah tờm” là mbè lơi, Tiah tờm bè tiah drà halà tiah tờm lơh sa- Niam chài rơgơi – Mpồl bơtìan bơh tiah do dê. Bè gùng dà bơh \ Pơrjum dờng dê là jơnau đơs lơh broă sùm jơh tơngai lơh broă 5 nam bơh nam 2020-2025 den tàng pal bè hơ\ sồr lơh ring bal, dùl dơ\\ le\, ba` sền ờ sơ\p tơngume lơi.

Ală cau ala mat kung đơs ngan tus pơlamgùng dà broă lơh bơtàu tơnguh lơh sa- mpồl bơtìan bơh càr Dak Lak dê tàm tơngai lơh broă pa, mờ tơngume kuơ màng geh gơ rềng tus bơta pràn bơtàu tơnguh bơh càr dê là lơh sa suơn sre mờ brê bơnơm. Ồng Dương Thanh Tương, Chủ tịch Hội đồng dong pơlam làng bol lơh tờm- Kơrnoat boh lam mờ lơh sa, Ủy ban Mặt trận dà lơgar Việt Nam càr Dak Lak dê dan: bal mờ ală chi tam jo\ tơngai tờm ndai den càr geh ai tờm mắc ca tàm rơndap ù tiah lơh sa suơn sre brê bơnơm nàng bơsong dùl dơ\ le\ broă lơh sa mờ tiah ơm kis.

A` dan là tàm ală rơndap tap sèng phan tam, bơdìh mờ tờm kơphe, tiêu mờ bàr pe tờm ndai den ai tai tờm mắc ca tàm gùng dà broă lơh bơtàu tơnguh bè lơh sa- mpồl bơtìan tàm tiah Dak Lak dê. Tài bơh tờm chi mắc ca là dùl tờm geh uă ngan jơnau kờ`, là tờm chi tam sơn dră mờ trồ prang soat dà, tờm chi tam gơ in gơ gơs brê, tờm chi tam nàng tơn jơh jơgloh tơr mù r[ah, gơ là tờm chi tammờ lơh gơlik geh dùl phan bơna lơh sa geh priă jền uă

 Uă cau ala mat đơs là bơtàu tơnguh gùng lòt là jơnau kuơ màng dong lơh pràn lơh sa – mpồl bơtìan bơtàu tơngguh. Bal mờ hơ\, broă bơto bơtê mpồl cau lơh broă, mpồl kuang bang ai càr in kung pal sền gròi mờ ai tơmut lơh gơ gơs broă jàu tàm kờ` Nghị quyết. Ồng  Võ Tấn Tài, Phó chủ nhiệm Hội đồng dong pơlam bè niam chài - bơto bơtê- mpồl bơtìan, Ủy ban Mặt trận dà lơgar Việt Nam càr Dak Lak geh jơnau đơs tă pơgồp bè do.

Tỉnh Ủy neh geh ală rơndap broă lơh dờng nàng kờ` lơh geh bơta tam gơl bè bơta niam lơh sa -mpồl bơtìan bơh càr Dak Lak dê, pơn yơu bè rơndap broă lơh gùng rơndeh ntoat rat Buôn Ma Thuột- Nha Trang. Bol he kung geh rơndap broă lơh bơt bơtàu gùng rơndeh ntoat rat Buôn Ma Thuột- Liang Khang càr Lâm Đồng dê sơl. Den bol he lơh niam hìu bơsram Đại học Tây Nguyên. A` sền go\ pal bơtơl tai là lơh niam hìu [ơsram Đại học Buôn Ma Thuột là hìu bơsram dơ\ 2 bơh càr Dak Lak dê mờ ală hìu bơsram Cao đẳng, ngan là hìu bơsram Cao đẳng bơsram broă lơh. Dơ\ 3 tai là broă bơt bơtàu Buôn Ma Thuột gơ gơs tiah drà tiah tờm tiah Tây Nguyên dê jat jơnau đơs pơn du\t sồ 67 bơh Bộ Chính trị dê, hơ\ là kơnòl broă bal tàm gùt càr, pal ai tơmut tàm Nghị quyết.

Kung geh gơ rềng tus broă jak chài mpồl kuang bàng mờ khà mpồl cau lơh broă, mò H'Giang Niê, Bí thư Tỉnh đoàn Dak Lak đơs là, mờ dùl càr geh uă làng bol kòn cau bè Dak Lak den broă bơtàu tơnguh mpồl kuang bàng là làng bol kòn cau pal geh sền gròi di pal mờ pal geh lơh tàm broă lơh bơtàu tơnguh mờ geh sền sơ wì nền nòn tàm Nghị quyết tơngai lơh broă dê.

Tàm ală nam pa do, broă kuang bàng bè làng bol cau kòn cau là dùl broă lơh mờ bol a` pal geh sền gròi uă rlau nàng geh bơta đòm jat mờ geh rơnàng pơn jat tai lơh jat tàm tơngai lơh broă tơnơ\ do. Den tang bè hơ\ den tàm Pơrjum dờng dơ\ do a` kơ\p kờ` là tàm rơndap cih sră nggal kờ` pal geh sền sơ wì tai bè tơngume bơtàu tơnguh mpồl cau lơh broă, ngan là kuang bàng là làng bol kòn cau. Lòt bal mờ broă bơtàu tơnguh mpồl cau lơh broă den bol he pal sền sơ wì wơl tai di mờ bơta tam gơl tàm gah lơh sơnơm, ngan là mpồl lơh sơnơm, bác sĩ bơh hìu sơnơm dờp gơnoar. Bol he pal geh ală gùng dà broă lơh dùl dơ\ le\ bal nàng lơh mbè lơi nàng bol he lơh jat niam wơl mờ gơ hòi gơ jà gơtùi mpồl cau lơh broă tàm gah lơh sơnơm nàng gàr niam broă sền gròi pràn kơl dang să jan làng bol tàm ù tiah càr dê.

Cau cih H’Xíu H’Mốc- Cau mblàng K’ Hạnh