VOV4.K’ho – Jơnau yal bơh Kong ti ồs đèng Dak Lak dê pà git, sơn đờm bơh ngai do 22/5, kong ti geh ngui khà pria\ đèng pa tă tơm ai ală cau dùl nă să, mpồl bal tac đèng mat tơngai lơh hơđang rơkàng hìu ai Tập đoàn ồs đèng Việt Nam tàm Dak Lak in (EVN) jat Kơrnuat sồ 13 bơh Chính phủ dê pa tơlik.

Dak Lak tu\ do geh rlau 400 nă cau tac ồs đèng mat tơngai lơh hơđang rơkàng hìu

Gùt càr Dak Lak tu\ do geh 646 broă lơh đèng mat tơngai lơh hơđang rơkàng hìu, tac đèng ai Kong ti ồs đèng Dak Lak in, kờp jơh khà ồs đèng pờ tơlik pơgap 42 rbô kWP, khà ồs đèng tac geh kờp du\ 130 tơlak kWh pah nam. Bơh bồ nam 2019 tus tu\ do, kong ti ồs đèng Dak Lak neh lam lơh broă tă tơm rlau 16 tơmàn 200 tơlak đông pria\ blơi đèng mat tơngai lơh hơđang rơkàng hìu ai 273 nă cau tac đèng in, mờ khà rlau 81 tơlak kWh.

Khà ồs đèng mat tơngai lơh gơlik pơgap 130 tơlak kWh pah nam

Ală cau tac ồs đèng do geh sa khà pria\ yau jơnhua rlau là 9,35 Uscent tàm 1 kWh, hơ\ là ndrờm mờ 2 rbô 134 đông tàm 1 kWh, tài ki\ sră pơrgon tac đèng lài mờ ngai 30/6/2019. Kong ti ồs đèng Dak Lak pà git, dơ\ tă tơm tus do geh 373 nă cau tac ồs đèng geh sa khà pria\ pa bơh Chính phủ dê pa tơlik là 8,38 Uscent tàm 1 kWh, hơ\ là ndrờm mờ 1 rbô 940 đông tàm 1 kWh, lơyah rlau dùl êt pơn drờm mờ khà pria\ yau.

Cau mblàng K’Duẩn