VOV4.K’ho- Drim ngai 15/12, tàm ƀòn dờng Buôn Ma Thuột, Ủy ƀan Ñân dân càr Dăk Lăk mờ Mpồl phan puan jơng câu Á neh bơyai lơh dơ̆ kĭ hơ lơh broă bal bè tam gơl bơ̆t bơtàu broă lơh nhơl chờ rềp mềl mờ rwas.

Jăt jơnau hơ pơrgon lơh broă bal, càr Dăk Lăk geh tơrmù uă ngan rlau jơh, wèt tus ờ bơyai lơh ală broă lơh gơrềng tus bơta kuơ bal rwas hìu, tàm hơ̆ geh: Nhơl chờ đì rwas; ală dơ̆ pơrlòng bè rwas re dà, rwas coh plai, rwas tàm dŏ che, rwas lik lòt pơdar uă jiơ tàm gùng dă cài halà ƀê tông, halà ngui rwas nàng lơh tơngŏ wơl broă ting kŭp mờ pơđàu rwas brê. Ủy ƀan Ñân dân càr Dăk Lăk kung geh ai tơl ală bơta ai mpồl Phan puan jơng câu Á in lơh gơs priă jền tàm càr jăt di jơnau cih bơh kơrnoăt boh lam dê, jàu Sở Nông nghiệp mờ Phát triển Nông thôn lơh anih lơh broă tờm kong kơnòl pơgồp bal mờ mpồl Phan puan jơng câu Á mờ ală mpồl geh gơrềng bal mờ ală hìu ròng rwas nàng bơ̆t bơtàu mờ lơh sir ală gùng dà broă lơh nhơl chờ rềp mềl mờ rwas, jun yal dan kĭ lài mờ tŭ lam lơh jăt.

 Cau mblàng Lơ Mu K’Yến