VOV4.K’ho- Mho ngai 22/8, ồng Lê Thái Dũng- Bí thư Huyện ủy Cư Kuiñ, càr Dăk Lăk pà gĭ, Mpồl duh broă sùm Huyện ủy Cư Kuiñ neh pơrjum mờ geh jơnau đơs lơh nền tơn jơh ing ăt gơnoar broă Bí thư Đảng ủy xã Dray Bhăng gơwèt mờ ồng Vũ Duy Tấn. Jăt mờ hơ̆, ồng Vũ Duy Tấn neh lòt bơsong broă hìu bơnhă tàm kơnhoàl Krông Ana, càr Dăk Lăk tàm tơngai jơh gùt kơnhoàl Cư Kuiñ gam lơh jăt jơnau sồr ơm yah ngài mpồl bơtiàn tam dră mờ kòp Covid-19 jăt Chỉ thị sồ 16 bơh Thủ tướng Chính phủ dê mơya ờ gŏ yal mờ kấp hơđang in, ờ dan gơnoar mờ Huyện ủy.

Kuang đơng lam bồ kơnhoàl Cư Kuiñ lòt sền broă lơh rơcăng sơndră kòp Covid-19

Den tàng bè hơ̆, Mpồl duh broă sùm Huyện ủy Cư Kuiñ neh tơn jơh ing ăt gơnoar broă Bí thư Đảng ủy xã Dray Bhăng gơwèt mờ ồng Vũ Duy Tấn, tơngai sơnđờm bơh ngai 21/8. Broă đơng lam geh jàu ai ồng Mai Văn Tào in- Phó Bí thư Thường trực Đảng ủy xã Dray Bhăng, drơng kơnòl broă tàm tơngai ồng Tấn gơtìp tơn jơh ing ăt gơnoar broă bơh ngai 21/8 tus dì tŭ Mpồl duh broă sùm Huyện ủy sền tìs di, lơh loh kơnòl mpồl cau, cau dùl nă să is tàm broă cau lam bồ kấp ủy ờ gŏ lơh krơh tàm broă lơh rơcăng sơndră kòp.

Cau mblàng Lơ Mu K’Yến