VOV4.K’ho- Tơnơ̆ 2 ngai lơh broă, ngai 13/8, pơrjum dơ̆ 2 Hội đồng Nhân dân càr Dăk Lăk khoá 10, tơngai lơh broă bơh nam 2021-2026 neh tơn jơh. Uă gùng dà broă lơh kuơ màng nàng bơtàu tơnguh lơh sa- mpồl bơtiàn, sền gàr dà lơgar, sền gàr bơta lơngap lơngai 6 nhai lồi nam 2021 mờ 5 nam tus neh geh cribơyai mờ ring bal.

Dăk Lăk: tơn jơh pơrjum dơ̆ 2 Hội đồng Nhân dân càr Dăk Lăk khoá 10, tơngai lơh broă bơh nam 2021-2026

Tàm dơ̆ pơrjum, Hội đồng Nhân dân càr Dăk Lăk neh sền sơwì, cribơyai mờ ring bal 18 Nghị quyết, tàm hơ̆ geh bàr pe Nghị quyết pal sền gròi ngan là: Nghị quyết Broă rơndap lơh bơtàu tơnguh lơh sa- mpồl bơtiàn, sền gàr dà lơgar- sền gàr bơta lơngap lơngai càr Dăk Lăk dê tàm 5 nam tus, tơngai lơh broă bơh nam 2021 - 2025; Nghị quyết cih bè kơrnoat pal jat, broă jàu mờ khà tam pà priă bơcri dà lơgar bơh kes priă ală tiah tàm ù tiah càr  Dăk Lăk dê, tơngai bơh nam 2021 - 2025; Nghị quyết bè ai ngui Jơnau pal lơh jat tàm dơ̆ pơrjum bơh Hội đồng Nhân dân càr khoá 10, tơngai lơh broă bơh nam 2021 – 2026. Bè kơnòl broă  tờm bơtàu tơnguh lơh sa- mpồl bơtiàn càr dê tàm ală nhai gam wơl bơh nam do dê, ală Kuang bàng geh jơnau dan mờ UBND càr pơn jat sền gròi đơng lam ală gah gàr niam cồng nha lơh broă tàm tơngai kòp Covid-19 gơlik geh kal ke.

Cau mblàng K’Hạnh