VOV4.K’ho - Bal mờ broa\ ngui ala\ phan ngui đèng niam, ờ do  ờ da\, tềm pềr, nhai 7 nam do,  làng bol rbah, kal ke tàm [òn Ê Rang,  sơnah [òn Khánh Xuân, [òn dờng Buôn Ma Thuột, càr Dak Lak gam dong geh lòt sền mờ lơh niam wơl ồs đèng ờ sa pria\. Do la cồng nha bơh dùl  tàm ala\ broa\ lơh nhai lơh broa\ dong kờl is kàl rlô bơkang bơh đoàn ơruh pơnu mờ gah ồs đèng [òn lơgar mut lơh.

Tàm ala\  tu\ trồ mang rềp do,  tu\ jiơ sào sa, ơm rlô sa\ bơh hìu nha\ ồng Y Dhin Êya, kis tàm [òn Ê Rang, sơnah [òn Khánh Xuân, [òn dờng Buôn Ma Thuột, càr Dak Lak  chờ hờp rlau. Bơh àng đèng neong àng ngan, ùr bơklau, oh kòn geh lir wir, cau den sền tivi, cau geh dờp tai broa\ lơh nàng lơh tàm hìu. Ồng Y Dhin ai git,  lài do tàm hìu ngui bong đèng wil neh klar den tàng  ồs ờ hoan àng  ngan. Bồ nhai 7 pa do,  mpồl  lơh broa\ dong kờl is bơh sơnah [òn mờ cau lơh broa\ bơh kong ti ồs đèng Dak Lak neh tus tơl hìu, tam gơl pa bong đèng mờ gùng che đèng tàm hìu, mờ mblàng pơlam ngui đèng tềm pềr,  ờ do ờ da\. Geh bong đèng pa,  tàm hìu den gơ àng rlau,  trồ mang kung gơtùi tì ồi kơm bơn gar điều nàng geh tai pria\ jền:

A` go\ ngai lài geh mpồl ơruh pơnu lơh broa\ dong kờl is rê tus hờ [òn geh lơh niam wơl đèng, ơla bong đèng pa, gùng che đèng chờ ngan, lơh broa\ jơh nùs ngan.  Tàm hìu a` kung geh tam gơl  bong đèng pa, gùng che pa. Lài do,  tàm hìu ngui bong đèng wil geh, bong đèng jòng geh, he ngui jo\ den gơ kung ờ diơng, ờ àng,  ờ tơl àng. Bơh tu\ geh  tam gơl bong đèng pa tus tu\ do den đèng àng rlau mờ kung ờ gơbàn  gơ srìp đèng tai.

                                                                                Cau lơh broa\ gah ồs đèng pơlam làng bol ngui đèng niam, ờ do ờ da\.

Kung geh ơruh pơnu lơh broa\ dong kờl is lơh niam wơl gùng che đẻng tàm hìu, ồng bèp Boy kis tàm [òn Ê Rang chờ hờp ai git,  hìu nha\ ồng ờ geh cau, den tàng pah tu\ gùng che ồs đèng tàm hìu gơ bàn gơ srìp hala gơbàn bơta lơi den gơ tac ờ diơng bong đèng, ồng pal kơnờm mờ cau lơh niam wơl, ờ bươn dùl êt lơi mờ pơhìn ờ niam gùng che đèng. Pa do,  geh cau thợ đèng tus lòt sền wơl gùng che đèng nền nòn ngan, tam gơl jơh công tác đèng den tàng ồng iang nùs ngan:

Hìu a` kung geh ờ ua\ sau tus  lơh broa\ lơh niam wơl đèng. Gùng che đèng gơbàn sơr ling, gơ tam srìp hơ\ sồng công tac gơbàn ờ diơng, gơ ờ kơ\ den ala\ sau geh pờ wơl hơ\ sồng pơrlac kơ\ wơl. Bơh tu\ hơ\ tus tu\ do gùng che  ồs đèng gơ lòt niam ngan.

Mut lơh broa\ lơh  dong kờl is nhai rlô bơkang nam do, Đoàn ơruh pơnu sơnah [òn Khánh Xuân, [òn dờng  Buôn Ma Thuột neh  lơh bal mờ Thành đoàn Buôn Ma Thuột mờ Kong ti ồs đèng Dak Lak mut lơh broa\ lơh lòt sền mờ  lơh niam wơl ồs đèng ờ sa pria\ làng bol  kal ke  in tàm [òn Ê Rang, sơnah [òn Khánh Xuân. Pơnjat hơ\,  cau lơh broa\ bơh kong ti  ồs đèng geh sa\ tờm tus lòt sền gùng che đèng mờ tam gơl ala\ phan crap đèng neh ờ diơng, tam gơl bong đèng pa mờ đèng hùynh quang, đèng led hala đèng chữ U. Đoàn viên ơruh pơnu neh bơyai lơh phàt sra\, pơlam ngui đèng niam, tềm pềr ờ do ờ da\ mờ trơ gùm ta\ pria\ nàng blơi ala\ phan crap đèng ơla ai làng bol in.

Bi Nguyễn Quang Giàu, Bí thư đòan sơnah [òn Khánh Xuân ai git,  broa\ lơh neh dờp geh bơta lơh jat nhap nhar ngan bơh đoàn viên, ơruh pơnu mờ làng bol. Geh ala\ hìu nha\ bulah ờ di  tàm khà la geh dong kờl, gam geh dan cih mat nàng geh lòt sền ồs đèng tàm hìu mờ geh tơm pria\ ala\ phan crap geh  tam gơl pa:

Lài jơh la mblàng pơlam tus làng bol ngui đèng tềm pềr mờ geh ngui niam đèng bè  lơi, bal mờ hơ\ geh lòt sền ròt gùng che ồs đèng bơh làng bol, ala\ công tac mờ bong đèng. Bơh dơ\ lòt sền den ala\ hìu nh geh gùng ce gơbàn ờ  diơng tai kung neh geh lơh niam, tam gơl pa mờ crap wơl mờ geh   bơta pơlam làng bol in mut ngui lơh geh cồng nha mờ khà niam rlau.

Cau mblàng K’ Brọp