VOV4.K’ho- Ủy ban Nhân dân càr Dak Lak bơyai lơh pơrjum tơn jơh broă lơh nam 2020, lam lơh kơnòl broă nam 2021 bơh Mpồl đơng lam rơcang sơndră cau tìs, broă lơh tìs tàm mpồl bơtiàn mờ bơt bơtàu srơh Jơh gùt làng bol sền gàr lơngap lơngai dà lơgar càr. Jat jơnau yal tàm pơrjum, nam 2020, bơta lơngap lơngai chính trị tàm càr pơn jat tai geh gàr kơ̆. Cau tìs bè ờdo ờdă mpồl bơtiàn pơn jat tai geh kơryan, tơrmù; cau tìs bè ma túy geh git gŏ uă rlau; rềs àr gùng lòt gơmù jơh bal tàm 3 bơta.

Tàm pơrjum, Ủy ban Nhân dân càr sồr tàm tơngai tus, ală anih lơh broă, mpồl lơh broă, ală tiah pơn jat tai lơh jat nền nòn, geh cồng nha ală jơnau sồr, Nghị quyết bơh Đảng, broă rơndap lơh bơh càr dê bè broă lơh rơcang sơndră cau tìs, rơcang sơndră ma túy, bơt bơtàu srơh Jơh gùt làng bol sền gàr lơngap lơngai dà lơgar; tơrgùm đơng lam, lam lơh jat ală broă lơh, sền gàr lơngap lơngai, gàr ờdo ờdă tàm broă lơh tĕ khà kuang bàng Quốc hội khóa 15 mờ kuang bàng Hội đồng Nhân dân ală kấp tơngai lơh broă bơh nam 2021 tus nam 2026.

Cau mblàng K’Duẩn