VOV4.K’ho- Tơnơ̆ mờr 2 poh ơm ờ dờp sră nggal tơn, lơh broă bơh 30 tus 50% khà cau lơh broă nàng lơh jat broă ơm yah ngài mpồl bơtiàn jat jơnau sồr sồ 16 bơh Thủ tướng Chính phủ dê, Anih tờm broă drơng ala hành chính dà lơgar càr Dak Lak neh lơh broă bè ờs wơl mờ 100% cau lơh broă drơng làng bol in tàm bơta ngui uă ngan rlau jơh ală broă lơh ờ mìng bơsong sră nggal hành chính dùl bă mhar ngan rlau jơh mờ gam tam pà khà làng bol tus lơh sră nggal pah ngai, tơrmù lơyah ngan rlau jơh jơnau pơhìn bơtờp kòp.

Tài jơnau kờñ bơsong sră nggal bơh làng bol dê gơguh uă, ală mpồl lơh broă bơh anih tờm dê neh sồr 100% mpồl lơh broă dờp, bơsong mhar sră nggal broă drơng ala dà lơgar nàng gàr dơ̆ lĕ bal 2 jơnau kờñ: bơsong mhar ală sră nggal hành chính, jơh nùs rơcang sơndră kòp bơtờp, lơh ngan gàr sùm mờ tơnguh khà bơsong sră nggal hành chính di mờ lài mờ tơngai pơrgon geh rlau 99,9%.

Cau mblàng K’Duẩn