VOV4.K’ho- UBND càr Dak Lak bơyai lơh pơrjum sền wơl bơta lơh jat rơndap broă lơh bơcri priă bơt bơtàu kuơ màng 5 nhai nhai bồ nam 2020, kơnòl broă lơh broă 7 nhai lồi nam. 

Jat jơnau yal, kờp jơh priă bơcri bơt bơtàu kuơ màng gơ wèt mờ kes priă dà lơgar mờ priă bơcri ODA dê neh jàu broă rơndap lơh ai càr Dak Lak in tàm nam 2020 là rlau 5 rơbô 300 tơmàn đong, mơya kờp tus ngai 25/5 Dak Lak mìng pa ai càn geh rlau 510 tơmàn đong, mìng lơh geh 14,7% broă rơndap lơh. Jơh ală khà priă bơcri ndrờm neh ai càn lơyài bơh kes priă bơcri càr dê, kes priă dà lơgar, khà priă bơcri bơh lơgar ndai, khà priă bơcri ală broă lơh jơnau kờ` dà lơgar. Khà ai càn lơyài geh đơs là tài bơh: gơkòl tàm broă ai ù tiah; bàr pe rơndap broă lơh tài bơh broă rcang priă bơcri pal lơh uă ngan sră nggal mờ pal geh uă tơngai nàng mut lơh…

Bơt bơtàu dùl nơm bơtơ\t r[òng dà tàm kơnhoàl Krông Pách 

Ồng Nguyễn Tuấn Hà, Phó chủ tịch UBND càr Dak Lak dê sồr, ală anih lơh broă geh kơnòl pal tơr gùm jơh nùs tă bơsong bơta kal ke kòl yan, tơnguh uă khà ai càn priă bơt bơtàu kuơ màng, sơlơ tơngguh tu\ tơngai lơh ală broă lơh bơt bơtàu, rơndap broă lơh, di pal mờ jơnau sồr bơh kơnòl broă bơtàu tơnguh lơh sa- mpồl bơtìan tàm ù tiah càr dê.

Cau mblàng K’ Hạnh