VOV4.K’ho- Jăt Sở Nông nghiệp mờ Phát triển Nông thôn càr Dăk Lăk dê yal, mìu dờng tàm uă ngai do neh lơh ngơr bam jrô dà tàm bàr pe tiah mờ hoàc hươr ai uă tiah tàm kơnhoàl Ea Súp, Buôn Đôn, Ea H’leo in. Tŭ do, gơnoar ătbồ ală tiah do bal mờ làng bol gam sơrbac mhar bơsong jơnau gơlời wơl bơh mìu dà tih dê lơh aniai nàng mhar bè ờs wơl rài kis.

Mìu dà tih ngơr bam jrô dà uă xã bơh kơnhoàl Ea Súp dê

Tàm kơnhoàl tiah nhàr lơgar Ea Súp geh 390 nơm hìu gơtìp ngơr bam jrô tàm dà, rlau 2 rbô lồ kòi, phan tam gơbàn aniai, uă gơl gùng lòt ală xã gơtìp ngơr bam jrô tàm dà lơh kòl gùng uă tiah làng bol ơm kis. Bal mờ broă lơh bơsong jơnau gơlời wơl tài bơh mìu dà tih lơh aniai tàm ală ngai do, ală tiah pơn jăt tai lam lơh ală broă lơh rơcăng sơndră trồ tiah lơh aniai jăt broă lơh “4 dùl bă tiah tơn”. Kuơmàng, ai mpồl cau mờ rơndeh rơndồ măy mok drơng lơh tơn tàm ală tiah pơhìn trồ tiah lơh aniai nàng rơcăng lài sơndră wơl mờ ală jơnau digơlan gơlik geh; ntrờn ală hìu làng bol geh pơhìn gơtìp ngơr bam jrô tàm dà tus tàm tiah jơnhoa rlau.

Cau mblàng Lơ Mu K’Yến