VOV4.K’ho – Bơh ngai 6/5, Kong ti ồs đèng Dak Lak sơn đờm lam lơh broă tơrmù pria\ đèng tơn tàm tơngai kờp pria\ đèng nhai 5 ai ală cau ngui đèng gơtìp gơ rềng tài bơh kòp Covid-19 dê in. Kờp du\ tàm 3 nhai tus, Dak Lak geh tơrmù mờr 80 tơmàn đông pria\ đèng ai ală mpồl cau ngui đèng in.

Ồng Hà Văn Chương, Phó Kuang atbồ Kong ti ồs đèng Dak Lak pà git, broă tơrmù pria\ đèng geh ală mpồl cau ngui đèng là cau lơh sa kă bro, anih ơm rlô nhơl chờ, cau ngui đèng tàm rài kis bơh khà 1 tus khà 4, hơ\ là hơ đơm 300 kWh pah nhai mờ ală anih drơng broă tơn rơcang sơndră kòp Covid-19 in. Cau ngui đèng geh tơrmù pria\ đèng ngui tàm 3 nhai tàm pơn jat sùm (nhai 4, 5, 6 nam 2020), ndrờm mờ tơngai cih sră kờp pria\ ngui đèng bơh nhai 5 tus nhai 7. Jat ồng Hà Văn Chương đơs, bơh kòp sền, gùt càr Dak Lak geh rlau 520 rbô nă cau ngui đèng geh dong kờl, mờ kờp pria\ pria\ đèng geh tơrmù mờr 80 tơmàn đông.

Cau mblàng K’Duẩn