VOV4.K’ho- Tây Nguyên neh mŭt tàm kàl mìu, mơya tàm bàr pe xã tàm kơnhoàl tiah nhàr lơgar Ea Súp, càr Dăk Lăk dê neh uă ngai do ờ geh mìu lơh bơta ro kơnrañ soăt dà gơbàn kal ke ngan. Trồ tiah ờ niam ngan neh lơh rlau 9 rbô lồ ù tam phan lơyah ngai, bè kòi, tơngời, khuah, bùm blàng gơtìp aniai, geh tŭ geh uă bă ù tam phan lơyah ngai gơtìp sơrbì jơh ờ geh tơnhàu dùl êt lơi.

Làng bol xã Cư Kbang gam kơ̆p miu pah ngai

 Jăt Cơldŭ lơh broă sa sươn sre mờ bơtàu tơnguh ƀòn lơgar kơnhoàl Ea Súp yal, tàm kơnhoàl do, trồ tiah nam do gơbàn ờ bè ờs ngan, bồ kàl mìu den mìu jih mìu jir ngan, pơn jăt hơ̆ là dùl tơngai jŏ jòng ờ geh mìu lơh gơlik jơnau “prăng dùl êt” lơh rlau 9 rbô lồ ù tam phan lơyah ngai gơtìp aniai, gơbàn aniai uă ngan là tàm 2 xã: Cư Kbang mờ Cư Mlan. Kơnhoàl Ea Súp neh pal lơh gùng dà broă lơh dan dong kờl làng bol gơtìp hoàc hươr tài bơh trồ prang soăt dà lơh aniai. Bè jŏ jòng, kơnhoàl kờñ ngan pal geh dùl broă lơh bơtơ̆t tơnau dơng dà nàng kơ̆ kơl jăp lơh sa sươn sre.

Cau mblàng Lơ Mu K’Yến