VOV4.K’ho- Ală càr tàm tiah Tây Nguyên đơs bal mờ Dak Lak đơs is neh mut tàm kàl mìu. Mơya, tàm xã Ea Siên, thị xã Buôn Hồ, càr Dak Lak kung gam ờ hềt geh mìu, broă lơh bơtơ̆t rƀòng dà ro kơnrañ lơh mờr 2 rơbô lồ phan tam gơtìp gơrềng kơn jơ̆ mờ rlau 1 rơbô 400 hìu bơnhă làng bol ờ tơl dà ngui sa. Tơrgùm kờp bơh UBND xã Ea Siên pà gŏ, kàl mrềt prang nam 2021, gùt xã geh mờr 2 rơbô lồ phan tam ală bơta; tàm hơ̆ geh 1 rơbô 500 lồ phan tam jŏ nam là kơphê, tiêu, mắc ca, plai jràng; gam wơl rlau 500 lồ là phan tam lơyah ngai, tàm hơ̆ geh: kòi, tơngời, khoah mờ rơmĭt.

Làng bol xã Ea Siên gam kơ̆p mìu nàng sơndră wơl mờ trồ prang soat dà

Jat UBND xã Ea Siên yal, bơta trồ prang soat dà tàm ù tiah xã dê neh geh tàm uă nam do, ngan là tàm kàl prang uă. Mơya, broă trồ prang soat dà gơlik geh tàm kàl mìu bè tŭ do là ờ hoan geh ngan. Trồ prang soat dà ờ mìng lơh hoàc huơr ai mờr 2 rơbô lồ phan tam in lơm, mờ gam lơh rlau 7 rơbô 500 nă cau tàm ù tiah xã dê ờ tơl dà ngui sa uă ngan.

Cau mblàng K’Hạnh