VOV4.K’ho-Kờ` lơh geh cồng nha Rơndăp broă lơh dong kờl cau ùr sơnđờm mu\t lơh broă jat Quyết định bơh Chính phủ dê, Mpồl tam klac cau ùr càr Dak Lak neh lơh uă broă, lơh geh wơl jơnau kơlôi sơnơng sơnđờm mu\t lơh broă bơh cau ùr dê tàm càr.

Bơh do, uă jơnau kơlôi sơnơng neh geh lơh ngan ngồn, cèng wơl cồng nha, pơgồp bơnah tàm bơta bơtàu tơnguh lơh sa tàm càr.

Sền go\ broă ròng iar bơh ală hìu làng bol tàm ù tiah xã dê gam lơh dềt mờ rah rài ờ geh kơ\ kơl jăp, cồng nha lơh sa ờ uă, nam 2015, bi Lê Thị Thu Hương ơm tàm thôn 3, xã Ea Kmut, kơnhoàl Ea Kar, càr Dak Lak neh hòi jà uă oh mi cau ùr tàm thôn lơh bal crơng gơs Câu lạc bộ ròng iar deh tăp.

Mờ bơta [ươn là bác sĩ lơh sơnơm phan ròng, sùm geh tus bal ală ơdu\ bơto pơlam bơta chài bơh Trạm Khuyến nông kơnhoàl Ea Kar, càr Dak Lak dê lơh, den tàng bi Hương neh pơlam ală cau tàm câu lạc bộ broă chài sơngka sền gàr, ci\t sơnơm vaccine, lơh kloh wàng ròng mờ rơcang sơndră kòp jai di bơta bơto pơlam, dong iar kis dờng pràn, khà deh tăp jat di jơnau kờ`.

Ală bi rwah sơntìl iar ri nàng ròng tài [ươn sền gàr, geh pràn sơndră kòp niam, tăp iar geh drà kờ` ngan bal mờ priă tăc là bơh 30 tus 35 rbô đong 10 nai tăp. Tu\ do, mờ broă ròng 4 rbô nơm iar, pah nam bi Hương lơh geh priă cồng tus gi\t nđờ rhiang tơlak priă. Bi Hương đơs:

Cau tàm mpồl cau atbồ câu lạc bộ pal jòi tai drà kă bro, pơgồp bal mờ uă bơnhă dram tăp iar, dờp blơi jơh iar sơntìl khi in, iar bal mờ ada. Dilah cau he dê mìng geh bơnhă dram tăp iar den ờ go\ jai blơi jơh ai làng bol in.

Mơya, dilah kờ` lơh bal mờ uă anih dram tăp iar, den cau ròng iar pal geh bơta mờng chài mờ pal geh priă, pal geh priă mờ khin bơcri, bơh tàm tơl nă cau tàm mpồl pal geh jơnau gi\t wa\ mờ tam gơl jơnau kơlôi sơnơng, broă lơh pal kơlôi sơnơng te\ den he lơh dùl êt là ờ geh sa mờ pal lơh dờng mờ pal bơcri priă ngan ngồn.

Anih ròng sơntìl iar geh sac rwah niam ngan, ală broă ròng pal lơh jat di jơnau bơto pơlam, tăp iar tăc geh khà priă uă mờ geh sùm, Câu lạc bộ ròng iar deh tăp tàm xã Ea Kmut, kơnhoàl Ea Kar ngai sơlơ gơhòi gơ jà uă cau ùr tàm thôn lơh bal. Tu\ do, câu lạc bộ gam geh 25 hìu lơh bal, mờ broă ròng tơl hìu là bơh 1 rbô tus 4 rbô nơm iar, pah ngai tăc mờ drà kă bro pơgăp 15 rbô nai tăp.

Bi Nguyễn Thị Lịch pà gi\t, bơh tu\ mu\t bal tàm câu lạc bộ, sùm geh lùp bơsram, tàm yal tơngi\t bal bơta mờng chài ròng siam sền gàr iar, den tàng neh khin cha rề ơnàng broă ròng iar bơh 100 tus 1.300 nơm iar.

Lài do, a` ờ hềt mu\t bal tàm câu lạc bộ den kung ròng sơl mơya mìng ròng dùl êt mờ rah rài lơm. Tu\ do, mu\t bal tàm câu lạc bộ den kung ròng uă rlau tai mờ tăp mờ priă lơh geh kung geh sùm rlau.

Ai gơ wèt mờ mò Hoàng Thị Tình, ơm tàm khối 4, sơnah [òn Thành Nhất, [òn dờng Buôn Ma Thuột, càr Dak Lak dê, tơnơ\ mờ tu\ tơngai ròng tơrlòng lài uă broă lơh ròng phan, neh lơh nền rwah tam bơsềt nàng sơnđờm mu\t lơh broă. Mò Tình pà gi\t, bơh Mpồl cau ùr, mò neh geh ai càn 30 tơlak priă bơh Ngân hàng Chính sách Xã hội nàng bơcri hìu sươn, dra tam mờ sơntìl.

Tu\ do, sươn bơsềt bơh mò Hoàng Thị Tình dê pah nhai tăc tàm drà pơgăp 2 tạ bơsềt ală bơta mờ mờr 20 ki\ bơsềt linh chi ơn tàm kơldung, lơh geh wơl priă jền rlau 100 tơlak pah nam.

Lài do, a` ròng phan tơl bơta, be do, iar do, rơpài do mơya pơndrờm mờ tu\ do tu\ tam gơl lơh bơsềt den sền go\ là geh cồng nha tài bơh bơsềt là dùl biăp sa kloh tăc mờ drà kă bro. Hơ\ sồng bè bơsềt linh chi den kung niam ngan ai să jan kòn bơnus in dilah hùc den niam ngan ai cau kòp huyết áp in.

Den tàng a` kung tam gơl lơh sươn bơsềt, đơs bal là hìu bơnhă a` kung ru sơl mơya kung pal ko\ng bòl glar, đơs bal là priă lơh geh den kung geh uă sơl mờ dong tai cau in geh phan sa kloh mờ bơkah pràn să jan.

Mò Nguyễn Thị Thu Nguyệt, Chủ tịch Mpồl tam klac cau ùr càr Dak Lak dê pà gi\t, lơh jat rơndăp broă lơh “Dong kờl cau ùr sơnđờm mu\t lơh broă tơngai bơh nam 2017- 2025” bơh Thủ tướng Chính phủ dê, ală kấp mpồl cau ùr càr Dak Lak neh lơh uă broă lơh geh kuơ ngan, bè: bơyai lơh cribơyai cau ùr sơnđờm mu\t lơh broă, cribơyai tơn mờ kuang đơng lam bồ ală kấp bè broă sơnđờm mu\t lơh broă bơh cau ùr dê, hòi jà oh mi cau ùr geh ală jơnau kơlôi sơnơng, sền swì wơl mờ ai priă jền ai ală jơnau kơlôi sơnơng jak chài bơceh pa in.

Tus tu\ do, Mpồl tam klac cau ùr càr Dak Lak neh dờp mờr 600 jơnau kơlôi sơnơng sơnđờm mu\t lơh broă, sơnđờm broă lơh sa kă bro bơh cau ùr dê, tàm hơ\ 300 jơnau kơlôi sơnơng gơtùi lơh ngan ngồn neh geh jun tus Ngân hàng Chính sách Xã hội càr in dan ai priă jền ai càn, dong kờl mờ priă tă lơh là mờr 9 tơmàn. Uă ngan ală jơnau kơlôi sơnơng sơnđờm mu\t lơh broă tơrgùm tàm ală gah broă: kă bro dềt rah rài, tam biăp, ròng ka sơntìl, ròng kơnrồ, sur, iar, mai phan soh.

Ală kấp mpồl cau ùr tàm càr kung neh lam lơh uă ngan broă lơh geh kuơ nàng dong cau ùr, tơrgùm tàm broă hòi jà ală priă jền nàng dong cau ùr sơnđờm broă lơh sa kă bro, sơnđờm mu\t lơh broă.

Bơyai lơh ală dơ\ cribơyai tàm yal tơngi\t bal ală bơta mờng chài, jơnau chài lơh sa kă bro, broă lơh lơh sa kă bro nàng cau ùr in geh tai jơnau gi\t wa\, geh tai bơta chài, bơta mờng chài ngan ngồn tàm broă lơh sơnđờm mu\t lơh broă bơh he dê dùl bă geh cồng nha.

Bơdìh hơ\ tai, Mpồl tam klac cau ùr càr Dak Lak kung neh dong kờl ală broă lơh sră nggal nàng ală mpồl lơh sa kă bro kung bè ală oh mi cau ùr in lơh broă lơh sơnđờm mu\t lơh broă bơh he dê nàng di mờ ală jơnau sồr bơh Đảng mờ Dà lơgar dê.

Krơi mờ ală broă dong kờl càn priă ờs mờng, tàm Dak Lak srơh Cau ùr sơnđờm mu\t lơh broă, bơdìh mờ dong kờl ai càn priă nàng lơh sa, mpồl cau ùr gam dong kờl bè lơh sră nggal, sră pơ àr, gùng dà broă lơh, mờ jat sền bal, lơh bal tàm ală tu\ cau ùr tus bal sơnđờm mu\t lơh broă, sơnđờm broă lơh sa kă bro.

Do kung là gùng dà broă lơh nàng tă bơsong kal ke, dong ală broă lơh sơnđờm mu\t lơh broă bơh cau ùr dê geh lơh ngan ngồn tàm rài kis, gơcèng wơl cồng nha lơh sa ai să tờm kung bè ai [òn lơgar mờ dà lơgar in.

Cau mblàng Lơ Mu K’Yến