VOV4.K’ho - UBND càr Dak Lak pa bơyai lơh pơrjum bè ờs nhai 4 cri bơyai bè ală broă lơh pràn kờ` bơsong kal ke tơnguh wơl broă lơh sa kă bro tài gơrềng ờ niam bơh kòp Covid-19 tàm tơngai tus.

                             Ồng Phạm Ngọc Nghị, Chủ tịch UBND càr Dak Lak geh jơnau đơs tàm pơrjum

Jăt UBND càr Dak Lak yal, tài gơrềng ờ niam bơh kòp Covid-19, pơn drờm m tu\ do nam 2019, khà tăc phan mờ lơgar bơdìh 4 nhai càr dê gơmù 7%, geh 160 tơlăk dolar Mỹ; khà blơi phan bơh lơgar bơdìh gơmù rơlao 63%, kờp du\ geh rơlao 12 tơlăk dolar Mỹ.

Priă geh bơh ală broă kă bro, broă lơh drơng ala ngai sơlơ gơmù uă, tàm hơ\ uă ngan là gah nhơl chờ, priă geh nhai 4 gơmù 94% pơn ndrờm mờ nhai 3.

Ồng Phạm Ngọc Nghị, Chủ tịch UBND càr Dak Lak sồr ală anih lơh broă, ală mpồl lơh broă, ală kơnhoàl, [òn dờng tàm tơngai tus pơn jăt tai lơh jăt ală broă rơcang sơndră mờ kòp mờ sền gròi kòp Covid-19 tàm càr; chồl pràn broă bơcri priă dà lơgar; tơrgùm lơh jăt ndrờm bal, di tu\, nền nòn, geh cồng nha ală broă đơng lam bơh Chính phủ bè ală kơnòl, broă lơh mhar kờ` bơsong kal ke ai broă lơh sa kă bro, gàr niam rài kis broă lơh sa mpồl bơtiàn sơndră mờ kòp Covid-19; lơh jăt niam ală broă dong kờl làng bol gơtìp kal ke tài kòp Covid-19.

Cau mblàng Ndong Brawl