VOV4.K’ho- Tơnơ̆ tŭ geh dùl nă cau bơtờp mờ virus Sars CoV-2 gam lơh broă tàm hìu sơnơm kơnhoàl Lak dê, gah lơh sơnơm càr Dak Lak neh ai ngui sră nggal wàng se kơryan kòp ing Hìu sơnơm kơnhoàl Lak nàng mhar lam lơh ală broă lơh rcang sơndră kòp.

Kuang bàng lơh sơnơm ai mẫu xét nghiệm ai cau kòp mờ hìu bơnhă  cau kòp dê tàm Hìu sơnơm kơnhoàl Lak

Bal mờ wàng se kơryan kòp Hìu sơnơm kơnhoàl Lak, Sở Y tế Dak Lak neh lơh mhar broă sac rơ wah, ai ơm yah ngài, xét nghiệm jơh ală cau kòp gam sơm kòp, cau ròng cau kòp, jơh bal mờ cau lơh sơnơm, cau lơh broă sră nggal gam drơng broă, sền gàr ròng siam cau kòp tàm Hìu sơnơm kơnhoàl Lak dê kờp bơh tŭ 7 jiơ mang  ngai 02/7/2021 tus dì tŭ geh jơnau yal pa. Ƀồm sơnơm lơh kloh khuẩn jơh Hìu sơnơm kơnhoàl Lak dê tàm mang 2/7 tơn. Cau bơtờp mờ virus Sars CoV-2 là điều dưỡng gam lơh kơnòl broă tàm tiah ai ơm yah ngài tơrgùm bal tàm Hìu sơnơm kơnhoàl Lak. Cau do là cau F1 bơh cau kòp 15921 dê.

Cau mblàng K’Hạnh