VOV4.K’ho-Ngai 16/8, Kuang àng kơnhoàl Krông Pách, càr Dăk Lăk neh geh Kơrnoat yă dơ̆ lơh tìs glài kŭp jàm “Lơh bơtờp kòp ngòt rơngơ̆t ai kòn bơnus in” gơlik geh tàm nhai 8 nam 2021 tàm thôn 6 mờ thôn 7 xã Vụ Bổn, neh lơh bơtờp tàm 2 mpồl cau kòp Covid-19 mờ rlau 20 nă cau. Tơnơ̆ tŭ sền gŏ ală mpồl cau kòp, gơnoar atbồ kơnhoàl Krông Pách neh wàng se kơryan kòp jơh gùt xã Vụ Bổn mờ rlau 4 rơbô hìu bơnhă, pơgap 18 rơbô nă cau  nàng lơh jat ală broă lơh bơh gah lơh sơnơm dê, kơryan kòp bơtờp uă tàm mpồl bơtiàn. Mờ UBND kơnhoàl Krông Pách kung tơn ơm ing lơh broă bơh Chủ tịch UBND xã Vụ Bổn dê tài bơh ờ hềt jơh nùs, ờ rcang sền ngăc tàm broă rcang sơndră kòp. Broă yă dơ̆ lơh tìs glài kŭp jàm tàm xã Vụ Bổn là nàng kờñ lơh loh tềl tơngŏ lơh tìs “Lơh bơtờp kòp ngòt rngơ̆t ai kòn bơnus in” geh cih tàm bơta 240 Bộ Luật hình sự dê.

Dăk Lăk: yă dơ̆ lơh tìs glài lơh bơtờp kòp Covid-19 tàm xã tiah sar lơgar ngài Vụ Bổn

Kờp tus mho ngai 16/8, càr Dăk Lăk geh 527  nă cau bơtờp kòp Covid-19, tàm hơ̆ geh 426 nă cau gam sơm kòp, 2 nă cau chơ̆t, geh 99 nă cau neh geh sơm bời kòp mờ geh ai rê bơh hìu sơnơm.

Cau mblàng K’Hạnh