VOV4.K’ho - Tu\ do, cau lơh broa\ sa Dak Lak gam mut tàm kàl tơnhàu ala\ bơta chi tam sa plai mờ  rcang tơnhàu kơphe, mơya bơta tung kơ`au phan tam geh gam gơbàn kal ke ngan. Tàm xã Ea Tam, kơnhoàl Krông Năng, bơta  kơnhau plai sầu riêng, plai bơ Booth, mắc gơ bàn ua\ ngan. Ua\ ngan ala\ dơ\ tung kơnhau gơbàn tàm ala\ mìr, bơh ala\ cau ngir ma tuý mut  lơh, mơya gam ờ hềt bơsong kràn ngan.

             Sền sươn bơ 60 tờm hòn gơs ngan,  plai ua\ ngan, hìu nha\  bi Vi Văn Sỹ kis tàm [òn Tam Phong,  xã Ea Tam, kơnhoàl Krông Năng,  càr Dak Lak kơp kơnờm  kàl nam do geh ua\ ngan  tai pria\ jền. Mơya bơh mìr ngài hìu,  ờ geh cau sền, mìng tam bùi drim, rlau 30 tờm plai bơ neh gơbàn cau blơ\ mut tus pic jơh.  Ngòt plai bơ gam wơl ờ pic geh,  hìu nha\ bi Sỹ neh pal lòt pic plai ờ hềt ràm mờ tac mờ pria\ drẻ ngan bơh 7 tus 8 rbô tàm dùl kg, mìng drờm 1/10 di lah lời tus lồi kàl:

            A` tam  bơ neh  bơh 5, 6  jơt tờm, nam pa do geh tơnhàu ua\ đau. Bơ ờ hềt ràm den  cau kơnhau jơh. Pa do ùr bơklau neh pal lòt pic bơ ờ hềt ràm pơgap mờ do di dùl nhai. Ờ geh cau gàr den tàng tàm do pal pic bơ gam kơnròm tac jơh. Ua\ ngan la ờ jai gàr tài cau kơnhau ua\ ir ngan. A` kung neh geh yal mờ kuang àng [òn mơta khi ờ rgơi bơsong geh. Geh ua\ tu\ làng bol tàm do lòt lơh broa\ kup geh cau blơ\ yal mờ  kuang àng den mìng 2, 3 ngai la tơlik rê.

            Mờ rlau 400 tờm mác ca, hìu nha\ ồng Nguyễn Hữu Đình kis tàm [òn Tam Thuỷ, xã Ea Tam, kơnhoàl Krông Năng kờp du\ nam do hìu nha\ tơnhàu geh  pơgap 1 tấn  gar,  drờm mờ 100 tơlak pria\. Kờ` sền gàr phan bơna, ala\ cau tàm hìu neh sùm tus ơm gàr ngai bè mang. Mơya, pa do,  tàm jơi nòi geh jun bao, bi mờ pơ ùr tus hờ hìu dong. Tu\ rê den git go\ 5 na\ klau pơnu pic kơnhau plai mắc ca mờ bơ tàm suơn. Bulah kup bàn, mơya git ala\ cau do ngir ma tuý den tàng ồng Đình ờ khi lơh broa\ lơi. Nàng kơryan, ồng neh càn tai 60 tơlak pria\ nàng blơi jàl lòs B40 rê  lơh pơng gàr sơndra\ cau blơ\:

            Bơta tung kơnhau roh ua\ ngan,  cau tus ngài mờ hìu di nđờ jơt thơt la cau kơnhau bloh.  He ờ  sền la cau kơnhau. Ngai hìu nha\ lòt jun bao cau  jơi nòi khi mut kơnhau jơh. Dilah kờp du\ nam do a` geh rlau 1 tấn  plai mắc ca, gơbàn kơnhau   jơh tơn bloh, gam wơl mìng la di 2 tạ. Dilah gơbàn hoàc hươr geh tus mờr dùl tấn mác ca  kờp pria\ la 80 tơlak pria\. Hìu nha\ a` tu\ do ờ hềt geh broa\ lơh lơi nàng sền gàr, mìng ai cau tus sền gàr lơm mo. Kung kơp kờ` ala\  gơnoar atbồ  geh ala\ broa\ lơh nàng  dong làng bol sền gròi kờ` tàm  nam tus  ờ hoan  roh phan lơh geh tai.

            Mờr 3nhai do, ờ hềt ngai lơi hìu nha\ ồng Vi Văn Lập kis tàm [òn Tam Phong, xã Ea Tam, kơnhoàl Krông Năng gơtùi bic lơ ha\. Tài pria\ geh tờm ngan bơh hìu nha\ bơh tàm  rlau 3  lồ sầu riêng, bơ Booth mờ kơphe kờp pria\ geh tus git nđờ rhiang tơlak pria\ sùm gơbàn cau blơ\ pơhìn kơnhau. Bulah sùm geh cau ơm sền,  mơya pa do,  sơmờm tu\ ồng Lập rê hờ hìu rê sào,  cau blơ\ neh tus pic mờr 50 kg bơ. Nàng sền gàr phan bơna, hìu nha\ ồng neh pal jơh ua\ pria\ rlau ơpah 2 na\ cau sền gàr, mơ kung  ta\  mờr 100 tơlak pria\ nàng blơi che sri\ lò mờ lơh jrong mờ bêtông lơh pơng gàr gùt  dar  sươn rhàng. Ồng lập ai git tai,  nàng bơcri lơh 3 lồ kơphe,  tam bơrlu\ bal mờ 400 tờm sầu riêng mờ 700 tờm bơ, hìu nha\ ồng neh càn rlau rhiang tơlak pria\. Mơya, sùm tus  tu\ tơnhàu, cau blơ\ geh pơhìn kơnhau phan bơna tam geh:

             Tu\ do tung kơnhau tàm xã Ea Tam gơlik geh mang bè ngai, geh mpồl 2, 3 na\ cau, 4, 5 na\ cau, geh mpồl 7,8 na\ cau, gal ngan. Cau lòt mang ngai tu\ lơi kung lòt lơm. Tu\ do cau blơ\ sền gròi he  la he  ờ di la cau sền cau kơnhau. A` kơp kờ` gơnoar atbồ  ala\ cấp  pal tus lơh bè lơi nàng gàr ngap lơngai ờ do ờ da\ làng bol in tàm [òn lơgar iang nùs lơh broa\ lơh sa. Kờ` làng bol tơnhàu geh  ala\ bơta kuơ bơh lơh sa dilah ờ den sùm tac ala\ plai gam ờ hềt ràm. Gùt ngai làng bol ờ gơtùi lòt lơh broa\ mờ sùm pal sền gàr, bòl glar ngan.

            Jat trơ gùm kờp bơh kuang àng xã Ea Tam, kơnhoàl Krông Năng, càr Dak Lak, bơh bồ sơnam tus tu\ do,  tàm  xã neh git bàn 20 dơ\ kơnhau phan bơna mờ phan tam geh làng bol dê. Tàm hơ\,  bơnah  ua\ ngan ala\ dơ\ kơnhau phan bơna ờ git cau kơnhau, Ồng Hoàng Văn Nghiệp, Trưởng kuang àng xã  Ea Tam ai git,  do la xã gơbàn kal ke ngan bè  sền gàr  ờ do ờ da\ mpồl bơtìan, mờ 15 na\ cau ngir ma tuý mờ 53 na\ cau rê jàm, hala lơh glài jàm mờ ai sền gròi tàm hìu gam geh atbồ tàm [òn lơgar:

            Bơta kơnhua phan bơna, ngan la kơnhau phan tam geh gơlik geh tàm xã la ua\ ngan. Geh  ala\ cau tàm xã mờ geh tu\ la tàm xã ndai kung tus tàm do mut lơh broa\ lơh tung kơnhau phan bơna. Ngan la ala\ cau do geh ala\  gơbàn ngir sơ ke ma tuý. Kuang àng xã neh  yal mờ UBND xã mblàng tus làng bol mut lơh ala\ mpồl sền gàr ngap lơngai làng bol tàm ala\ [òn, lơh geh mpồl atbồ is nàng sền gàr phan bơna  bơh làng bol dê. Bal mờ hơ\,  kuang àng xã kung neh lơh bal mờ  ala\ xã rềp bal nàng git lý lịch ala\ cau  do kờ` dong broa\ yal mờ  gơnoar atbồ geh broa\ lơh bơsong tàm tơngai tus.

             Tu\ do,  ờ mìng xã Ea Tam, kơnhoàl Krông Năng mờ  cau lơh broa\ sa tàm Dak Lak gam mut tàm kàl tơnhàu bơ, sầu riêng mờ rcang pic plai kơphe. Tềng bơta  tung kơnhau phan lơh geh gam gơbàn kal ke ngan, ala\  cấp gơnoar atbồ mờ mpồl lơh broa\ geh gơnoar kờ` pal geh broa\ lơh bơsong geh cồng nha, nàng  gàr niam ngap lơngai- ờ do ờ da\, dong làng bol iang nùs lơh sa.

          Cau mblàng K’ Brọp