VOV4.K’ho- Jăt Ủy ban Tĕ khà càr Dăk Nông dê yal, Mpồl duh broă Tĕ khà dà lơgar neh hơ ai 12 pôs đồng ling sền gàr tiah nhàr lơgar mờ Mpồl ling pơlam tàp làm bă tiah 19 in tàm ù tiah càr Dăk Nông dê tĕ khà gờñ dùl ngai pơndrờm mờ tơngai ai. Tus tŭ do, tàm ală pôs đồng ling sền gàr tiah nhàr lơgar broă lơh rơcăng ai dơ̆ tĕ khà in geh lam lơh jăt di tơngai sồr mờ di Adat Tĕ khà.

Ồng Phạm Qúy Vỹ Đại tá, Phó Chính ủy, Gah đơng lam Mpồl ling sền gàr tiah nhàr lơgar càr Dăk Nông pà gĭt, tơngai lài tàm gơl gùng tiah nhàr lơgar đah Việt Nam mờ Campuchia geh uă jơnau pơhìn lài kal ke ờ gơtùi gĭt lài bè bơta kòp Covid-19. Nàng kờñ sền gàr niam ngan ờdo ờdă ngan ai dơ̆ tĕ khà in, mpồl ling sền gàr tiah nhàr lơgar dan geh đùh sră gờñ nàng lơh jăt kơnòl broă dơ̆ lĕ bal sền gàr tiah nhàr lơgar mơkung rơcăng sơndră kòp Covid-19 sơl.

Cau mblàng Lơ Mu K’Yến