VOV4.K’ho- Ngai 09/8, càr Dăk Nông sền gŏ tai 7 nă cau bơtờp mờ virus Sars CoV-2. Tàm hơ̆ 2 nă sau klau dềt 1 sơnam ndrờm là F1. Jơh 2 nă sau klau do là N.T.T (deh nam 2020) mờ sau H.K.D (deh 2020) ơm bal tàm kơnhoàl Dăk Glong, càr Dăk Nông ndrờm là F1 bơh cau kòp sồ 165470 bơh bi H.C.N (deh nam 1962).

 Bi H.C.N là cau tàñ mai phan bơh ƀòn dờng Hồ Chí Minh rê tàm Dăk Nông. Ngai 3/8, jơh 2 nă cau do geh jun ai ơm yah ngài tơrgùm bal, gah lơh sơnơm ai mẫu xét nghiệm pah dơ̆ jat jơnau sồr. Tus ngai 09/8, 2 nă sau do geh cồng nha xét nghiệm mờ măy RT-PCR bơtờp mờ virus Sars CoV-2. Kờp tus mho ngai 09/8, càr Dăk Nông geh 155 nă cau bơtờp kòp Covid-19. Tàm hơ̆ geh 12 nă cau kòp neh bời kòp, mờ geh rê bơh hìu sơnơm.

Cau mblàng K’Hạnh