VOV4.K’ho- Càr Dăk Nông neh ai ơm yah ngài jơh cau pơgru, cau lơh broă, kơnòm bơsram hìu bơsram Phổ thông Dân tộc nội trú kấp bàr mờ kấp pe Dăk R’lấp, kơnhoàl Dăk R’lấp tơnơ̆ tŭ sền gŏ dùl nă kơnòm bơsram bơtờp mờ virus Sars CoV-2.

Tàm drim ngai 5/9, Hìu bơsram Phổ thông Dân tộc nội trú kấp bàr mờ kấp pe Dăk R’lấp. kơnhoàl Dăk R’lấp, càr Dăk Nông wă ală kơnòm tus tàm hìu bơsram sơnđờm mut nam bơsram pa. Bơh broă was đo să jan, hìu bơsram sền gŏ dùl nă kơnòm bơsram ơdŭ 6 geh tềl tơngŏ duh să, bơsiă. Test mhar kơnòm bơsram do ai cồng nha bơtờp mờ virus Sars CoV-2. Tus mho ngai 5/9, cồng nha xét nghiệm PCR sền gĭt kơnòm bơsram do bơtờp mờ virus Sars Covid-19. Hìu bơsram neh yal tơn mờ mpồl lơh broă geh gơnoar nàng wàng se, ƀồm sơnơm lơh kloh khuẩn, sơr băc mhar jòi gĭt tiah lòt rê gơwèt mờ ală cau ơm rềp. Mơkung sồr 198 nă kơnòm bơsram bơh 7 ơdŭ mờ 31 nă Kuang bàng, cau pơgru mờ cau lơh broă ơm wơl, ai ơm yah ngài tàm hìu bơsram tơn.

Cau mblàng K’Hạnh