VOV4.K’ho- Ngai 06/4, Ủy ban tĕ khà càr Dak Nông bơyai lơh pơrjum pờ tơlik tơn tàm internet bơto pơlam bàr pe tơngume bè broă lơh tĕ khà Kuàng Quốc hội khoá 15 mờ Kuang bàng Hội đồng Nhân dân ală kấp, tơngai lơh broă bơh nam 2021-2026.

Tơngai pa do, Tỉnh ủy, Mpồl đơng lam tĕ khà càr Dak Nông, HĐND, UBND, Ủy ban Mặt trận dà lơgar Việt Nam càr mờ Ủy ban tĕ khà càr sền gròi ngan broă đơng lam, bơyai lơh jat ală tơngume rcang lài ai dơ̆ tĕ khà in. Tus tŭ do, càr sền bal là neh lơh jat niam ală broă rcang lài ai dơ̆ tĕ khà in, gàr niam broă lơh jat di mờ jơnau sồr adat boh lam dê, jơnau pơlam, đơng lam bơh kấp hơđang mờ di pal mờ bơta geh ngan tàm càr dê. Ală bơta kal ke, kòl yan, bè broă rcang ai dơ̆ tĕ khà in sền bal là neh geh ală Anih lơh broă dà lơgar, càr geh gùng dà broă lơh bơto pơlam mờ bơsong.

Ồng Trần Xuân Hải  Phó Chủ tịch UBND càr, Phó Chủ tịch Ủy ban tĕ khà càr sồr ală kuang bàng tus bal tàm dơ̆ pơrjum cribơyai dĭ tŭ ai kấp ủy, gơnoar atbồ ală kấp mờ bơto pơlam ală mpồl drơng broă tĕ khà in lơh jat di mờ jơnau sồr bơh adat boh lam dê.

Cau mblàng K’ Hạnh