VOV4.K’ho- Drim ngai 16/4, Ủy ban Mặt trận dà lơgar Việt Nam càr Dak Nông bơyai lơh pơrjum cribơyai dơ̆ 3 nàng rơwah, cih mat ală cau tơl khà tơlik mat tĕ khà kuang bàng Quốc hội khóa 15 mờ Kuang bàng Hội đồng Nhân dân càr Dak Nông khóa 4, tơngai lơh broă bơh nam 2021 tus nam 2026.

Tơnơ̆ tŭ cribơyai, 100% kuang bàng tus bal pơrjum neh pờ tê ring bal cih mat ală cau tơl khà tơlik mat tĕ khà kuang bàng Quốc hội khóa 15 geh 10 nă cau (tàm hơ̆ dà lơgar yal tơnggit 2 nă cau, càr yal tơnggit 8 nă cau) mờ ring bal ai 3 nă cau tơlik mat tĕ khà neh geh sră dan lik ờ bài tus bal tĕ khà kuang bàng Quốc hội khóa 15. Bal mờ hơ̆, Pơrjum kung neh cih mat 88 nă cau tơl khà tơlik mat tĕ khà Hội đồng Nhân dân càr Dak Nông tơngai lơh broă bơh nam 2021 tus nam 2026. Tàm hơ̆, khà kuang bàng cau ùr là 38 nă, cau jơi bơtiàn kòn cau dùl êt nă cau 20 nă, cau kơnòm să là 31 nă, cau ờ geh Đảng là 9 nă mờ khà cau tus bal tơlik mat tĕ khà wơl là 21 nă.

Cau mblàng K’Duẩn