VOV4.K’ho - Kờ` lam sồr uă gơnoar bơh làng bol tàm broă gùt làng bol sền gàr bơta lơngăp lơngai dà lơgar, tơngai do, mpồl kuang àng càr Dak Lak neh chồl pràn broă lơh uă broă sơndră, tam dră mờ cau tìs geh cồng nha bè “Săp ntas klèng sền gàr bơta lơngăp lơngai” “Camera sền gàr bơta lơngăp lơngai”, bơh g^t nđờ rơhiang mpồl sền gàr bơta lơngăp lơngai làng bol, mpồl sền gàr is… bơh tu\ hơ\ neh pơgồp bal tàm broă sền gàr niam bơta lơngăp lơngai ờ do ờ dă mpồl bơtiàn tàm càr do.

Dùl tàm ală broă sơndră mờ cau tìs tơnguh geh cồng nha tàm broă sền gàr niam ờ do ờ dă tàm kơnhoàl Dak Song tơngai do là broă lơh “Săp ntas klèng sền gàr bơta lơngăp lơngai” tàm xã tiah nhàr dà lơgar Thuận Hà.

                 Broă jan klèng sền gàr bơta lơngăp lơngai làng bol kis tàm [òn 8, xã Thuận Hà, kơnhoàl Dak Song

Lài do, tu\ ờ hềt lơh jăt broă sơndră, tam dră mờ cau tìs, broă gơbàn roh phan bal mờ bơta ờ niam mpồl bơ8tiàn sùm gơbàn, tàm hơ\ uă ngan là tàm [òn 7 mờ [òn 8.

Ồng Trần Bá Tuyết, kis tàm [òn 8, xã Thuận Hà pà g^t, tơnơ\ mờ rơlao 2 nam lơh jăt, bơta niam ờ do ờ dă tàm mpồl bơtiàn [òn lơgar neh geh niam, cau tìs mờ bơta ờ niam mpồl bơtiàn neh geh kơrian, làng bol tàm do neh geh rài kis lơngăp lơngai.

-Tu\ ờ hềt geh broă lơh săp ntas klèng sền gàr bơta lơngăp lơngai ờ do ờ dă mpồl bơtiàn tàm [òn, [òn bol a` kal ke ngan. Tài là tiah nhàr dà lơgar ngài mờ tiah tàm gùl, cau sơgràm lơh sa, làng bol ntrờn ơm kis tus gal ngan, bơta lơngăp lơngai tàm do gơbàn ờ niam ngan.

Ală broă lơh do geh làng bol bol a` dờp bal uă ngan, go\ geh broă sền gàr bơta niam ờ do ờ dă tàm [òn, sền gàr phan bơna hìu nhă kung bè bơta niam ờ do ờ dă mpồl bơtiàn tàm [òn den geh cồng nha ngan.

Tơngo\ cồng nha bơh broă lơh “Săp ntas klèng sền gàr bơta lơngăp lơngai làng bol” tàm tơngai do, ồng Nguyễn Đình Lượng, kuang atbồ kuang àng xã Thuật Hà pà g^t tai:

-Tơnơ\ mờ tu\ bol a` lơh 2 broă lơh do mờ geh làng bol lơh bal tàm broă sền gàr bơta lơngăp lơngai dà lơgar den bơta niam ờ do ờ dă mpồl bơtiàn tàm 2 [òn do neh gơmù uă ngan, kuơ màng là gơrềng tus broă cau kơ`ao phan.

Ha là bè broă lơh “Camera sền gàr bơta lơngăp lơngai” geh crăp jăt gah ală gơl gùng tòm tàm xã Dak Sak, kơnhoàl Dak Mil bơh nhai 10 nam 2017 neh cèng wơl cồng nha niam tàm broă tam dră, sơndră mờ cau tìs mờ sền gàr niam bơta lơngăp lơngai, ờ do ờ dă tàm gùng lòt, pơgồp bal tàm broă kơrian ală broă lơh cau tìs, tơnguh jơnau g^t wă tàm broă sơndră mờ cau tìs mờ tus bal tàm broă gùt làng bol sền gàr bơta lơngăp lơngai dà lơgar ai làng bol in.

Ală mpồl làng bol sền gàr bơta lơngăp lơngai tàm càr Dak Nông sùm pơgồp bal mờ ală anih lơh broă geh gơnoar lòt sền gròi tàm [òn lơgar

Bơh ală rùp mờ camera ku\p geh, ală broă lơh bơh cau tìs, bơta ờ niam mpồl bơtiàn ndrờm go\, ku\p di tu\, kơrian ală broă lơh tìs. Đại uý Phan Văn Thắng, kuang atbồ kuang àng xã Dak Sak, kơnhoàl Dak Mil pà g^t, broă lơh “camera sền gàr bơta lơngăp lơngai” geh làng bol kờ` ngan. Den tàng, tu\ lơh, bal mờ kes priă [òn dê, làng bol neh tă pơgồp bal priă geh mờr nggùl.

-Tàm broă lơh jăt den làng bol kờ` bal ngan. Tàm nhai 10 nam 2017, bol a` neh lơh gơs. Lài ngan, bol a` neh crăp 11 nơm camera mờ khà priă bơh xã dong kờl 53 tơlăk priă, làng bol dong kờl 43 tơlăk priă. Broă lơh jăt neh cèng wơl cồng nha ngan.

Kờp tus tu\ do, gùt càr Dak Nông neh lơh, mờ geh sùm cồng nha 1 rơbô 880 broă lơh, mpồl lơh broă bơh làng bol lơh kờ` sền gàr bơta lơngăp lơngai ờ do ờ dă mpồl bơtiàn tàm [òn, tàm hơ\ geh 670 mpồl sền gàr bơta lơngăp lơngai làng bol lơh, rơlao 650 mpồl cah rơ`a, g^t nđờ rơhiang mpồl sền gàr is, mpồl làng bol sền gàr dà lơgar,…

                Làng bol kis tàm xã Dak Găn, kơnhoàl Dak Mil yal bè broă pơgồp bal ku\p 2 nă cau kơ`ao phan

Lơh broă bơh ală broă lơh, mpồl lơh broă sơndră mờ tam dră mờ cau tìs sơlơ ngai sơlơ geh uă, hòi jà gal làng bol tus bal. Bơh tu\ hơ\ geh sơlơ ngai sơlơ uă làng bol khin yă, mờ tus bal ku\p cau tìs, pơgồp bal tàm broă sền gàr niam bơta lơngăp lơngai, ờ do ờ dă tàm mpồl bơtiàn.

Bi Nguyễn Bạch Long Hải, kis tàm xã Đức Mạnh, kơnhoàl Dak Mil là 1 tàm ală cau lam lài geh pơn jờng bè cồng nha tàm broă sơndră, tam dră mờ cau tìs yal wơl:

-Tàm hơ\ a` gam lơh broă sền gàr bơta lơngăp lơngai tàm hìu yàng den ni sơna a` kơno geh cau hòi bơh 1 nă cau ùr là gơbàn kơ`ao phan. A` mờ ờ uă oh mi neh ting mờr 100 thơ\k den ku\p geh cau blơ\.

Broă geh sơlơ ngai sơlơ uă broă sơndră, tam dră mờ cau tìs, uă cau khin cha jăk chài bơh làng bol tus bal tam dră mờ yă cau tìs pà go\ broă gùt làng bol sền gàr bơta lơngăp lơngai dà lơgar tàm càr Dak Nông neh geh tơnguh bơtàu niam, tơnguh niam gơnoar lơh tòm làng bol dê tàm gah sền gàr bơta lơngăp lơngai dà lơgar, sền gàr bơta niam ờ do ờ dă gùt mpồl bơtiàn.

Cau mblàng Ndong Brawl