VOV4.K’ho- Gam tàm tơngai trồ tơngai duh uă, khà ngui đèng pah ngai tàm gùt càr Dak Nông dê neh gơguh uă rlau bàr dơ̆ nggùl pơndrờm mờ ngai bè ờs, lơh geh 2 tơlak  kWh mờ bơta pràn ngui đèng rlau 100MW. Gàr niam ai broă pờ đèng ờdo ờdă, geh đèng sùm, Công ty Ồs đèng Dak Nông neh sồr ală mpồl lơh broă sùm ngai mờ mang, ai tai mpồl cau lơh broă tàm ală tiah geh bơta pơhìn uă gơlik geh bơta ờ niam. Mơkung sơlơ tơnguh lơh niam gùng che ồs đèng, tàm ala, tam gơl nàng tơnguh bơta pràn ală măy biến áp, gùng che hạ thế tàm ală tiah làng bol ơm kis, toah wàs rŭ rơm tàm gùng che ồs đèng, ala aptomat... kơryan bañ lời gơlik geh bơta ờ niam tài bơh gùng che ồs đèng ngui uă ir. Ală tiah rcang lài bơt bơtàu gùng dà sền gàr niam ồs đèng ai ală gùng che ồs đèng kuơ màng in, tàm pà bal broă ngui ală trạm 110kV, ală hìu măy pờ tơlik ồs đèng dềt rcang lài tam gơl gùng dà pờ đèng jat ală gơl gùng che ồs đèng trung áp mạch vòng liên thông.

Dak Nông gàr niam broă pờ đèng ờdo ờdă, niam tŭ trồ tơngai duh

Bơdìh hơ̆, Công ty Ồs đèng Dak Nông kung tơngkah làng bol pal lơh jat ală gùng dà broă lơh tềm pể đèng bè: tơn chơ̆t ală măy mok ờ gŏ ngui, tơrmù ƀà ngui măy lơh mrềt.

Cau mblàng K’Hạnh