VOV4.K’ho- Công ty Ồs đèng Dăk Nông tŭ do gam atbồ 7 trạm biến áp 110KV, rlau 4 rơbô kơi sồr gùng che đèng trung áp mờ hạ áp.

Công nhân lơh niam wơl gùng che đèng nàng gàr niam bơta ờdo ờdă lài mờ tŭ tơngai mìu dờng, dà kŏ dà cò

Bơh bồ nam tus tŭ do, gùt càr neh gơlik geh 4 dơ̆ aniai gùng che ồs đèng cao áp bơh làng bol kơl chi gơ pừ klơn tàm che ồs đèng. Nàng gàr niam bơta ờdo ờdă broă pờ đèng lài mờ tơngai mìu dờng, dà kŏ dà cò, bal mờ broă lơh niam wơl mờ lơh pa gùng che ồs đèng, PC Dăk Nông neh sùm lòt sền koh kơl tờm chi, mờ kung tơnguh broă mblàng yal tus mờ làng bol in bañ lơh tìs mờ gùng pleh ờdo ờdă gùng che ồs đèng dê.

Koh kơl tờm chi digơlan gơ pừ klơn tàm che đèng

Ồng Lê Huy Thiệp, Phó kuang atbồ Ồs đèng Dăk Nông pà gĭt: Tus tŭ do den công ty neh koh jơh ală tờm chi tàm tiah bơdìh gùng pleh digơlan gơ pừ klơn tàm che đèng. Ngan là ală tiah sơgràm ù nàng lơh broă lơh den công ty neh pơgồp bal niam mờ ală tiah atbồ niam ngan broă lơh do dê, gàr niam bơta ờdo ờdă  broă pờ đèng.

Cau mblàng K’Hạnh