VOV4.K’ho- Jat  Sở Y tế càr Dăk Nông yal, tus tŭ do gùt càr neh lơh sir 4 dơ̆ cĭt sơnơm vaccine rcang sơndră kòp Covid-19. Dăk Nông là dùl tàm 4 tiah bơh gùt lơgar dê gàr niam tŭ tơngai cĭt sơnơm vaccine di mờ tơngai jat jơnau sồr. Jat hơ̆, tàm 4 dơ̆ gah lơh sơnơm càr Dăk Nông neh lơh sir broă cĭt ai rlau 44 rơbô 100 nă cau in, tàm hơ̆ geh rlau 6 rơbô nă cau neh cĭt jơh 2 ding.

Gah lơh sơnơm Dăk Nông cĭt sơnơm vaccine rcang sơndră kòp Covid-19 ai ală mpồl lơh broă tàm tiah lam lài in

 Ală cau geh cĭt sơnơm vaccine rcang sơndră kòp Covid-19 gơwèt mpồl ai cĭt lài là ală cau lơh broă tàm ală hìu sơnơm, cau tus bal rcang sơndră kòp mờ công nhân lơh broă tàm 3 tiah lơh sa mờ măy mok bơh càr dê. Nàng broă cĭt sơnơm vaccine lơh geh cồng nha, gah lơh sơnơm càr Dăk Nông neh bơyai lơh cĭt sơnơm tàm 8 tiah, tàm hơ̆ geh: Hìu sơnơm dờng càr tàm ƀòn dờng Gia Nghĩa mờ 7 Hìu sơnơm ală kơnhoàl dê.

Cau mblàng K’Hạnh