VOV4.K’ho- Jat Thường trực Ủy ban Mặt trận dà lơgar càr Dak Nông yal, tàm mat ing 96 nă cau geh yal tơnggit tơlik mat tĕ khà kuang bàng Hội đồng Nhân dân càr khoá 4, tơngai lơh broă bơh nam 2021 tus nam 2026 geh 36 nă cau là kuang bàng Hội đồng Nhân dân càr khóa 3; geh 42 nă cau ùr, 36 nă cau kơnòm să; 21 nă cau là làng bol jơi bơtiàn kòn cau dùl êt nă cau, 10 nă cau ờ geh đảng, 10 nă cau jat yàng. Jơh ală khà kuang bàng pa yal ndrờm sơrlèt rlau khà bơnah rhiang pơndrờm mờ jơnau sồr, mờ jơh ală cau geh yal tơnggit tơlik mat tĕ khà ndrờm tơl khà nàng tus bal tĕ khà kuang bàng Hội đồng Nhân dân càr khóa 4, tơngai lơh broă bơh nam 2021 tus nam 2026. Tus tŭ do, jơh 96 nă cau tơlik mat tĕ khà ndrờm ờ geh sră yal yă lơi. Jat jơnau cih, tơnơ̆ geh mat ing, Ủy ban Mặt trận dà lơgar ală tiah bơyai lơh pơrjum tìp mat cau tĕ khà tàm tiah ơm kis bơh ală cau tơlik mat tĕ khà dê. Dilah cau tơlik mat tĕ khà ờ geh rlau 50% sră pin dờn bơh cau tĕ khà tiah ơm kis dê den geh gơtìp sơbì bơh sră cih mat.

Cau mblàng K’Duẩn