VOV4.K’ho- Ngai 20/5, tàm Ƀlàng tơ̆p ƀồc cau ling chơ̆t màng kơnhoàl Dăk R’lấp, càr Dăk Nông, Gah đơng lam mpồl ling càr Dăk Nông, ală cau ling yau tàm Trung đoàn 271, bal mờ ala măt 2 kơnhoàl Dăk R’lấp mờ Tuy Đức neh bơyai lơh Dơ̆ ies, tơ̆p 9 ƀồc ntìng cau ling chơ̆t màng. Tơnơ̆ 3 ngai, Gah đơng lam mpồl ling càr Dăk Nông, ală cau ling yau bal mờ Mpồl đơng lam ling klàng kơnhoàl Tuy Đức neh lòt jòi mờ bàn geh 9 ƀồc ntìng cau ling chơ̆t màng tàm thôn 8, xã Quảng Tân, kơnhoàl Tuy Đức. Tàm hơ̆ geh 3 bơtô ƀồc gam wơl ntìng, ală bơto ƀồc ndai mìng gam wơl phan lơi kir lơm, bè: bi đông dà, tăng, che yal tơngĭt jơnau, khàr sơnơm bixilin, sơ iŏ trà...

Ală cau ling yau chu ñàng kah kơlôi ală cau lòt ling bal neh chơ̆t phi să

Ală sră pơ àr lời wơl pà gŏ, ală cau ling chơ̆t màng gơwèt Trung đoàn 271 mờ Trung đoàn 205 gơwèt Gah đơng lam ling klàng tiah ring đah jum măt tơngai lik dà lơgar. Do là dơ̆ lòt jòi mờ bàn dơ̆ 4 tàm ù tiah thôn 8, xã Quảng Tân mờ neh jòi bàn 29 ƀồc ntìng cau ling chơ̆t màng. Tàm dơ̆ bơyai lơh, kuang đơng lam bồ tiah do, mpồl phàu crong mờ làng bol 2 kơnhoàl Dăk R’lấp mờ Tuy Đức neh pơdơng bơkàu, chu ñàng kah wơl dà kơlhề bơh ală cau ling chơ̆t màng dê.

Cau mblàng Lơ Mu K’Yến