VOV4.K’ho - Tus ngai 19 nhai 11, càr Dăk Nông neh cit tơl 100% ding dơ̆ 1 mờ di pơgăp 36% ding dơ̆ 2 sơnơm vaccine rơcang sơndră mờ kòp Covid-19 ai jơh làng bol bơh 18 sơnam rơlao hờ đang in.

       Dăk Nông lơh ngan tus jơh nhai 11 geh cit tơl sơnơm vaccine ding dơ̆ 2 ai làng bol rơlao 18 sơnam in

Anih tờm Gròi sền kòp tê jê să càr Dăk Nông yal, gùt càr geh di pơgăp 445 rơbô nă cau rơlao 18 sơnam tơl bơta nàng cit sơnơm vaccine rơcang sơndră mờ kòp Covid-19. Tus ngai 19 nhai 11, càr Dăk Nông neh dờp rơlao 708 rơbô 600 ding sơnơm vaccine ală bơta Astra Zeneca, Pfizer, Moderna, Vero Cell bơh Bộ Y tế mờ neh cit geh mờr 587 rơbô 600 ding, neh glờm gơs ding dơ̆ 1 ai 100% khà cau bơh 18 sơnam rơlao hờ đang in, mờ khà cit ding dơ̆ 2 geh 36%. Rơlao 120 rơbô ding sơnơm gam tam gam bơyai lơh cit jơh tàm ală tiah tàm càr. Tàm poh do, di lah geh dờp rơlao 181 rơbô ding sơnơm vaccine bơh Bộ Y tế, kờp dŭ jơh nhai 11 do càr geh cit sơnơm vaccine ding dơ̆ 2 ai cau rơlao 18 sơnam in geh 65%, mờ cit glòm jơh 100% tàm nggùl nhai 11 tus.

Cau mblàng Ndong Brawl